LGBT sa Ampatuan gipang-upawan

Gipaambit nga hulagway
Gipaambit nga hulagway

COTABATO CITY — Gipang-upawan ang pipila ka mga sakop sa lesbian, gay, bisexual, and transgender (LGBT) sa lungsod sa Ampatuan, Maguindanao niadtong Martes, Hunyo 8, 2021.

Matud sa usa ka opisyal sa Ampatuan kinsa nagdumili sa pagbutyag sa iyang pangalan nga ilang giupawan ang mga bakla ug tomboy gumikan ang ilang gihimo supak sa tinuohang Islam.

Lakip nga giupawan kadtong mga lalaki nga nakigrelasyon sa susama nila nga lalaki o babaye.

Sigun sa opisyal nga dugay na nila kining gidili sa ilang dapit gumikan supak sa balaod sa Islam.

Una nang gipamahayag ni Ustadz Saguir Sangki Salendab niadtong miaging "Holy Month of Ramadhan" nga ang mga bayot ug tomboy dakong karma o malas sa trahedya nga nasinati sa ilang dapit.

Gisusama sila sa pandemya nga coronavirus disease (Covid-19) nga wala manganak, apan padayon nga midaghan.

Giseguro ni Salendab nga kadtong mga Bangsamoro lamang ang ilang giupawan ug walay labot ang mga Kristiyano.

Apan ang gihimo sa lungsod ngadto sa mga sakop sa LGBT nag-viral sa social media ug daghan ang nasuko.

Matud ni Maguindanao Second District Board Member King Jazzer Mangudadatu nga dako siyang supak sa pagkalbo sa mga bayot ug bakla ug nagkanayon nga inay nga pakaulawan sila, gitudloan na lang unta sa mga di angay nga buhat sa tinuohang Islam. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph