Sa labing unang higayon, knockout ang resulta sa pay-per-view ni Floyd Mayweather Jr., batok ni YouTube sensation Logan Paul atol sa ilang 8th round exhibition fight niadtong Hunyo 6, 2021.
Base sa banabana, ang niabot lang og 600,000 ngadto sa 650,000 ka mga tawo didto sa Amerika ang nitan-aw sa maong away ug kini maoy labing ubos nga PPV sales sa away sa way pilde nga Amerikano nga boksingero.
Sa wala pa ang maong away, si Mayweather nagkanayon nga ang ilang panagsangka ni Paul posibleng maoy mobuak sa mga record sa pay-per-view sales sa kasaysayan sa boksing.
“[All sides] confirmed the match-up that is expected to shatter pay-per-view records. The highly controversial encounter will pit ‘two of the world’s most renowned and popular personalities together in the ring. It’s a must-see event for sports and entertainment fans alike,” matod sa Mayweather promotions.
Ang panagsangka nilang Manny Pacquiao ug Mayweather niadtong tuig 2015 maoy naghupot sa biggest PPV sa history sa boksing diin kini gi-subscribe sa 4.6 milyones ka mga tawo.
Base sa record, katapusang adunay ubos nga PPV sales sa away ni Mayweather niadto pang tuig 2006 batok ni Zab Judah dihang dili pa ilado si Floyd sa kalibotan sa boksing.
Ang away ni Mayweather ug Paul unang gika-schedule niadtong Pebrero 2021 apan wala kini madayon gumikan sa giingong ka walay interes sa mga tawo nga motan-aw sa away.
Si Mayweather niuswag sa maong event ngadto sa Showtime PPV diin ang way pildeng boksingero nibaligya na og minilyon ka PPV diin matag away niya ibabaw, kanunay nga molapas sa 1 million PPV ang mabaligya. Gawas sa 4.6 million PPV sa away nila ni Pacquiao, gisundan kini og 4.4 million PPV sa away nila ni connor McGregor hinungdan nga taas og ekspektasyon ang mga tawo sa away niya ni Paul.
Unang gibalita nga si Mayweather mokita og P100 milyon sa maong away gikan sa Showtime apan gipanglantawan nga dili kini kaabot sa iyang gipanglantaw.
Si Mayweather gikatakdang modawat og 50% sa income sa PPV nga gibanabana nga moabot og $16.5 milyones ug gika-report usab nga ang logo sa iyang boxing short nagbalor og $30 milyones para sa maong away samtang si Paul gikataho usab nga modawat og $10 milyones sa maong away. (PAC)