SUPERBALITA DAVAO

Governor Cagas mipanaw na

Hulagway iya sa davaodelsur.gov.ph

DIGOS CITY, Davao del Sur -- Human sa taudtaod nga pakigbugno sa kinabuhi, mipanaw na alas 5:30 sa Huwebes sa buntag Hunyo 10, 2021 si Davao del Sur Governor Douglas "Dodo" Ra Cagas.

Niadtong Hunyo 9, mihangyo og pag-ampo ang official Facebook page sa probinsiya alang sa gobernador diin daghang constituents ang mipaabot sa ilang mga pag-ampo ug pangaliya nga makalahutay sa sakit ang gobernador.

Nauna nang gikataho nga namatay si Cagas, sa nakalabay nga semana, apan gibakwi kini sa iyang kampo, ug giingong mi-stable ang vital signs sa gobernador samtang anaa kini naka-confine sa usa ka bay tambalanan sa Digos City.

Huwebes sa udto, gilayong mipagula og pamahayag ang spokesperson sa pamilyang Cagas.

Sumala sa post sa iyang pag-umangkon nga si Ria Fe Cagas Fernandez, ang nahimong spokesperson sa pamilya, nga mipanaw na ang gobernador diin nakompirma sab niini atol sa paghinabi sa Davao City Disaster Radio (DCDR) Huwebes sa buntag.

"It is with our deepest sorrow that we announce the passing of Governor Douglas 'Dodo' Cagas this morning, owing to Covid complications. He has joined his Creator in Heaven," suma sa post ni Fernandez.

Si Cagas nahimong politiko sud sa tulo ka dekada, diin nagsugod siya isip assemblyman sa dekada otsenta, ug nahimong kongresista gikan 1998 ngadto 2007.

Human mahimong kongresista, nahimo siyang gobernador gikan 2007 ngadto 2013, 2016 ngadto 2019, ug 2019 hangtud sa kasamtangan.

Sa kamatayon sa gobernador, daghang kasingkasing sa iyang supporters ang naghilak ug nagpasalamat sa mga programa ug proyekto nga iyang nahimo.

"He was the loving husband of Congresswoman Didi and father to Vice Governor Marc Douglas. But not only that, he was also a brother, uncle, advisor and friend to many. He was the father of the Province of Davao del Sur, a dedicated public servant, and his life is a wonderful inspiration to all," dugang sa post sa iyang pag-umangkon.

Nabilin sa gobernador ang kapikas nga si Rep. Mercedes Chan Cagas ug anak nga si kanhi congressman ug Vice Governor Mac Douglas IV.

Si Cagas usa sa pinaka-kontrobersiyal nga politiko sa nasud apan pabiling lig-on sa pangatungdanan. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph