SUPERBALITA CEBU

Talk to Papa Joe: Kawatan og tanom

Dear Papa Joe,

Maayong adlaw nimo ug sa imong tanang followers diri sa imong column. Tawga lang kog Cha-cha, taga Cebu City, minyo ug dunay mga anak.

Diri sa among lugar manggihatagon gyud ko sa among mga silingan. Kon duna mi hikay, imbitado tanan. Ingon ani diay ning masobraan ta sa ka maayo, kita nay abusaran. Nahibaw-an man gud nako akong kumare nga suod nako nga nanguha sa akong mga tanom. Gipili raba ang nindot. Okay ra untag iyang gi display sa ilaha pero wala, iyang gipamaligya sa lain.

Daghan man gud kog tanom. Dili na gani nako mamatikdan nga nawad-an na diay. Ang usa pod nako ka silingan ang nisumbong nako maong nakahibawo ko. Makalagot pero nagduha-duha ko og awayon ba nako siya nga suod baya kaayo mi, kinugos gud niya akong anak. Katulo na siya nangawat, Papa Joe. Unsa man, palabyon ba gihapon nako ni or komprontahon na nako siya?

CHA-CHA

Dear Cha-cha,

Technically, wala gyud ka makakita sa akto nga nangawat og tanom imong kumare kay ang nagsumbong nimo imo rapod laing silingan. So, para matapos na, angay nga mangutana ka sa imong kumare kon tinuod ba.

Pag-atubang mong tulo sa imong laing silingan nga nag report nimo. Now, kon imong mapamatud-an nga tinuod, pwes, kanang imong giingon nga kumare, bitin na siya, dili na tinuod nga amiga. Bisan pag moingon kag tanom ra na, gamay rag kantidad. Pero sa pagkangan nga nanguha siyag way pananghid, pagtraydor na ug wala ka niya giisip nga higala.

Daghang salamat.

PAPA JOE


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!