SUPERBALITA CEBU

Serna: Left and right nga beauty pageants

Kyaw-Kyaw

Kini bitawng daghan na kaayong beauty contest sa nasud, maglibog na lang ta kon asa nila ang may kalihukan.

Di diay ang Ms. Universe Philippines ang makadungan sa Ms. World Phils. karong Hulyo 11 kon di ang Binibini Pilipinas diay.

May mga naka-apil na sa Bb. Pilipinas ug MWP nga mobalik pag-apil pero mas daghan ang mga first timers.

Sa laing bahin, ang Ms. Earth Phils. ipahigayon usab sa Hulyo 25 sumala sa akong nahibaw-an, virtual ra ang himuong bangga sa kaanyag.

Bisan kinsa ang modaug ning maong mga bangga, ako lang panghinaut nga makahatag sila og dugang dungog sa Pilipinas isip usa ka beauty powerhouse inig representa na nila sa gawas sa nasud.

* * *

Magpasalamat ko sa virtual friend nga si Caridad Guivelondo sa paghatag nato og kasayuran bahin sa ipahigayon nga forum sa pagsaulog sa ika 123rd nga Independence Day ugma, Hunyo 12.

Ang kalihukan nag-ulohan Baluarte (Fortress of defense & reconquest): Centuries of Division between the Moro & Christians. Anha kini himoon sa Palm Grass The Cebu Heritage Hotel sa 3:00 pm.

May virtual exhibit sa mga baluarte sa Mandaue ug sa habagatan sa Sugbo. Personal nakong pasalamatan ang tigpasiugda kay sa poster, ang baluarte gyud sa among lungsod sa Oslob ang gipatik isip background.

Ang mamulong mao kini: Dr. Michael Cullinane sa University of Wisconsin-Madison Dept. of History (panahon sa ‘retirada’ ug reconquista’ sa kasaysayan sa Visayas), Prof. Darwin Absari sa UP Diliman Institute of Islamic Studies (Sulu empire ug slave raiding sa precolonial ug colonial periods), Dr. Jobers Reynes Bersales sa University of San Carlos (pagtukod sa mga Baluarte ug ilang kahimtang karon) ug Fr. Arnel Dizon sa University of San Agustin (impluwensya sa Spain sa pagtukod sa mga baluarte sa Visayas).

Mopasundayag usab ang mga rap artists. I-broadcast live ang kalihukan sa pages sa Palm Grass Hotel, Nat’l. Historical Commission of the Phils., Nat’l. Quincentennial Committee, Museo Sugbo, USC Dept. of Anthropology, Sociology & History, SOAN2020 ug Diyandi Heritage Center.

* * *

Magpasalamat diay ko sa Music Lovers’ Club of Cebu sa pagdapit ug pagdawat nako isip sakop sa grupo. Gipaandam ko og usa ka kanta ni Dante Luzon nga maoy nagdapit nako.

Wa ko makakanta niadtong niaging miting kay gipit na sa oras pero niingon ang presidente nga si Roy Caballero nga di na ko makaipsot sa sunod higayon. Maayo na lang kay way gong parehas sa Tawag ng Tanghalan sa Showtime. Kuyawan ta.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!