Gumikan sa padayong pagkatap sa bag-ong sa virus sa ilang nasod, ang Vietnam nagplano sa pag-uswag sa Southeast Asian Games, matod pa sa usa ka kasaligang tinubdan.
Ang maong sporting competition, nga gihulagwayng regional Olympics, gikatakdang ipahigayon karong Nobiyembre 21 ngadto sa Disyembre 2, 2021 sa Hanoi, Vietnam.
Apan matod pa sa taho nga gusto sa Vietnam nga iuswag kini sunod tuig.
“The Vietnam Olympics Committee, the host for SEA Games 31, has sent a letter to countries informing them of its proposal to postpone SEA Games 31 to July 2022 due to the complicated situation of the Covid-19 pandemic,” matod pa sa Phap Luat Online, usa ka pahayagan sa Vietnam.
Gumikan niini, ang SEA Games Council nga nagbase sa Bangkok maghugpong sa umaabot nga mga adlaw aron pagtino ug paghukom kon idayon ba ang pag-uswag.
Hinuon ubos ra kaayo kini kon itandi sa ubang nasod sa Asia, sigon sa tally sa AFP.
Pipila ka mga dapit nga pahigayunan sa mga duwa sa SEA Games maoy apektado kaayo sa pagsaka sa virus sama sa Bac Ninh ug Bac Giang.
Gani, ang venue sa badminton sa Bac Giang gihimo na nga tambalanan. (JBM)