2 ka iro mibugno sa dalaga

ROTTWEILER: Sama niini nga iro ang mingbugno sa 16 anyos nga dalagang 16-anyos nga taga Oslob, habagatang Sugbo. / wikipedia.org
ROTTWEILER: Sama niini nga iro ang mingbugno sa 16 anyos nga dalagang 16-anyos nga taga Oslob, habagatang Sugbo. / wikipedia.org

Di kay usa, kon di, duha diay ka mga iro ang nagtinabangay og bugno sa 16-anyos nga babaye nga nanginhas sa baybayon sa Brgy. Looc, Lungsod sa Oslob, Sugbo sa Martes, Hunyo 8, 2021.

Mao kini ang giasoy ni Jeny Rose Gomilao, kinsa nag-antos pa sa ka sakit sa mga samad pinaakan sa duha ka mga Rottweiler nga nagpuli-puli pagbugno kaniya.

Matod ni Gomilao nga nahinabi sa Superbalita Cebu, wa siya nagtuo nga mahitabo to niya kay ang iyang tumong mao lang ang pagpanginhas sa baybayon.

“Unexpected gyud kaayo, Sir. Wa ko nagdahum nga kalitan diay kog bugno sa mga iro nga dagko ra ba kaayo kay ang naa sa akong huna-huna ato manginhas ra gyud,“ asoy sa dalaga.

Naglisod og kontrolar ang lalakeng maoy tig-atiman sa mga iro nga daling nipugong sa duha ka mga hayop sanglit kini pulos dagko ug kusgan.

Kon makuptan ang usa sa mga Rottweiler, ang lain na sab ang mohasmag kaniya.

Mao kini hinungdan sa kadaghan sa mga samad nga iyang nahiaguman.

Nisuway siya sa pag-adto sa medyo lawom nga bahin sa baybayon, apan birahon siya sa mga iro.

Matod ni Gomilao nga nataudtauran pa ang pag-abot sa dog handler aron pagpakgang sa duha nga ninghasmag kaniya.

Si Lourdes Kintanar, tag-iya sa mga iro, nipasabot nga dunay mga tangkal ang ilang duha ka Rottweiler.

Niadtong higayuna, ila kining gibuhian sulod sa ilang tugkaran aron pakalibangon.

Ang ilang balay dunay paril, apan matod sa kapulisan sa lungsod sa Oslob nga di taas ang bahin niini nga nagsilbeng seawall hinungdan nga makaambak ra ang mga iro.

Ang duha ka mga iro puro dunay mga baliog.

Si Kintanar niingon nga sa wa pa ang hitabo, iyang nadunggan ang dagko kaayong mga tingog sa mga bata nga nanginhas sa baybayon.

Iyang gihulagway nga “nakuyawan” ang iyang mga iro, diretso kining nanglayat sa ilang pribadong sea wall.

SAKIT PA

BREED

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph