GITIN-AW sa usa ka opisyal sa City Health Office (CHO) sa Siyudad sa Davao nga "there are no vaccine-related deaths documented in Davao City."
Si CHO Acting Head Dr. Ashley Lopez, sa gipagawas nga pahayag nga gihatag sa City Information Office ning siyudad Biyernes, Hunyo 11, nagtin-aw human sa iyang gibutyag niadtong Huwebes nga gisusi sa CHO ang giingong kamatayon sa duha ka mga indibiduwal nga gitaho nga namatay human nabakunahan.
"The cases mentioned during the recent media interview remain being thoroughly investigated and most likely coincidental," pagtin-aw niya.
Dugang niya nga ang Covid-19 nga bakuna nga gipagawas ug gitugtan nga mahimong magamit sa emerhensiya o emergency use authorization sa Food and Drug Administration "safe and effective."
"Let us support, commit, and participate in the vaccination program because in the end we will be able to realize the benefits of Covid-19 vaccination," paneguro ni Lopez.
Nagbakuna na ang lokal nga panggamhanan sa unang tulo ka mga priority groups --- A1 (medical frontliners), A2 (senior citizens), ug A3 (persons with comorbidities).