115 ka mga bag-ong kaso natala sa Cagayan de Oro

PADAYON ang pagsaka sa ihap sa kumpirmadong mga kaso sa Cagayan de Oro human kini mitala of 115 ka mga bag-ong kaso sa coronavirus disease (Covid-19), sumala sa report sa City Health Office Biyernes, Hunyo 11.

Miabot sa 8,526 ang kinatibuk-ang ihap sa mga kaso Covid-19 sa dakbayan, ug ang mga aktibo nga kaso anaa sa 1,584.

Matud ni Acting City Health Officer Dr. Lorraine Nery, nakatala ang syudad og 31 ka mga local cases with link, 11 ka mga lokal nga authorized persons outside residence (Apors), 64 ka local index nga mga kaso, pito ka mga persons deprived of liberty (PDLs), ug duha ang mga patay.

Sumala sa report City Health Office, sa 8,526 nga kinatibuk-ang kaso sa Covid-19, 441 niini mga ROFs/LSIs ug 8,085 ang mga local transmissions.

Ang Cagayan de Oro adunay 1,584 ka mga active cases, 394 niini na-admit sa Northern Mindanao Medical Center ug uban pang mga ospital sa syudad, 1,189 ang mga outpatients, ug usa ang ROF.

Ang recovery rate sa dakbayan anaa na sa 76.97 porsyento.

Nakatala ang syudad og 140 ka mga coronavirus-positive nga mga kaso nga karon naka-recover. Naa na karon sa 6,563 ang ihap sa mga nakarekober.

Sa maong numero, 315 ang mga LSIs, 124 ang mga ROFs, ug 6,124 ang mga lokal nga kaso (community: 5,159; Apors: 965).

Ang ihap sa mga namatay sa Covid-19 sa syudad anaa na sa 379.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph