Ordinansa giamendahan; 14 ka mga adlaw nga quarantine gisunod

■ GIAMENDAHAN: Mga sakop sa Cebu Provincial Board mituki sa ordinansa nga naglatid sa quarantine protocol sa mga overseas Filipino worker ug returning overseas Filipinos (ROF) sa usa ka special session. Ilang giamendahan ang ordinansa aron matuman ang 14 ka adlaw nga quarantine sa mga OFW ug ROF. / ARVIE N. VELOSO
■ GIAMENDAHAN: Mga sakop sa Cebu Provincial Board mituki sa ordinansa nga naglatid sa quarantine protocol sa mga overseas Filipino worker ug returning overseas Filipinos (ROF) sa usa ka special session. Ilang giamendahan ang ordinansa aron matuman ang 14 ka adlaw nga quarantine sa mga OFW ug ROF. / ARVIE N. VELOSO

Giaprobahan gilayon sa Cebu Provincial Board (PB) ang pag-amendar sa Ordinance 2021-04 nga naglatid sa quarantine protocol alang sa mga overseas Filipimo worker (OFW) ug returning overseas Filipinos (ROF).

Naa gihapon ang pagpapauli gilayon kanila gikan sa quarantine kon sila mogawas nga negatibo sa unang swab test. Sa ikapito ka adlaw, i-swab test gihapon sila.

Ang laing kalainan kay kinahanglang motiwas sila sa 14 ka adlaw nga quarantine sulod sa pasilidad sa kagamhanan o sa ilang balay.

Niini, ang PB niawhag sa Inter Agency Task Force (IATF) nga sagupon ang ordinansa subay sa planong pagbalik na sa international flights sa Mactan Cebu International Airport (MCIA) human sa Hunyo 13, 2021

Gipasabot ni PB Member John Ismael Borgonia sa tersero distrito ug nangamahan sa pag-amendar nga sa pag abot sa OFWs, ROFs ug bisan kadtong dili mga Sugboanon sa MCIA, ipaubos gihapon sa swab test.

Human niini, mopuyo sila sa accredited hotel quarantine facilities hangtod nga mogawas ang negatibong resulta. Sama sa nalatid sa Executive Order No. 17 ni Goberanador Gwendolyn Garcia, papaulion ang OFWs ug ROFs nga dunay negatibong resulta, ngadto sa ilang lokal nga kagamhanan.

Apan kinahanglan nga monitoron sila sa LGU ug Barangay Health Emergency Response Team (BHERT) subay sa mando pagpadayon sa nahabiling adlaw sa pagkwarantina aron makumpleto ang 14 ka adlaw.

Sa ika-pito ka adlaw, ipaubos na sab sila og libreng swab test sa LGU. Apan kon magpositibo sa coronavirus disease 2019 (Covid-19), dili kini makapuli ug kinahanglan nga mosubay sa lagda sa Department of Health (DOH-7).

Kon itandi sa unang nalatid sa ordinansa sa Section 5. E., wala kini mag require sa LGU’s nga ipadayon ang kwarantina sa panimalay o sa quarantine facility ug pagpaubos sa swab test sa ika-pitong adlaw.

“Upon the release of a negative RT-PCR test result, the OFW or returning non-OFW shall be allowed to depart for his or her local government unit of destination. No other requirement shall be imposed by the LGU in this regard,” matod sa ordinansa.

Subay sa gihimong diskusyon sa Hunta Probinsyal, usa ka incidental motion ang gi-uyonan sa sesyon human nisugyot si PB Member Celestino Martinez III pag hangyo sa IATF nga ibalik na ang international flights sa MCIA ug ang pagsagop sa IATF sa ordinansa sa Lalawigan alang sa hapsay nga pagpatuman sa lagda panahon nga tugotan na nga makadiretso sa Sugbo.

“I think we meet halfway na man sa Provincial Board as that sa IATF regulations. Now, ang main issue man gud is we have to resolve the issue kadtong sa international flights which has affected the of course ang mga ROFs and OFWs and even non-ROFs nato which I think is something or the main problem we face right now,” matod ni Martinez.

Si Martinez malaumon nga maresolbar na kini tungod kay naamendahan na ang unang ordinansa.

Matod niya nga sa iyang tan-aw nagtuman na ang Sugbo sa guidelines sa IATF sa mga OFW ug ROF.

Ang sugyot giuyonan usab ni PB Member Glenn Anthony Soco diin iyang gihimug-atan nga andam ang PB nga makighinabi sa IATF aron maresolba ang kasamtangang hisgutanan.

Dugang ni Soco nga way gisupak nga lagda ang PB sa pagpasar sa ordinansa.

“I’m in the belief that we have to appeal and we would like to work with the Inter Agency Task Force on how to arrive on a solution on how to make the lives of the Filipinos better not just the overseas Filipinos but our constituents in general. I’m sure we are in the same objective with the Inter Agency Task force that’s why I express it intently that personally our stand here...to me we are not defying, we are not antagonizing, we are not contradicting,” matod ni Soco.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph