SUPERBALITA CEBU

Mga pulis ubos sa MCPO gibakunahan na

Gisugdan na pagbakuna ang 215 ka mga pulis sa Mandaue City Police Office (MCPO) batok sa Covid-19.

Sa pakighinabi sa Superbalita Cebu ni PLtCol. Mercy Villaro, tigpamaba sa MCPO, niingon nga nagsugod og pabakuna ang kapulisan niadtong Huwebes, Hunyo 10.

Sigon ni Villaro, adunay 15 ka mga pulis ang unang nagpabakuna.

Nagsugod sila sa pagpabakuna human mihatag na og go signal ang ulohang buhatan sa PNP nga mahimo na silang magpabakuna sa lokal nga kagamhanan diin sila nadestino o sa barangay kung asa sila nagpuyo.

Matod niya niadtong A1 priority sub group pa ang gibakunahan, aduna 25 ka mga pulis lakip sa ilang medical unit ang nabakunahan.

Matod ni Villaro nga sa 500 ka mga uniformed ug non-uniformed nga pulis sa MCPO ang 215 lang ang nagparehistro aro magbakuna sa dakbayan sa Mandaue.

Sigon niya nga ang ubang mga pulis miingon nga magpabakuna sila sa syudad kung asa sila nagpuyo apan, aduna gihapoy ubang mga pulis nga nagduha duha pa sa pagpabakuna.

Nahinabi sab sa Superbalita Cebu si PMSgt. Jayson Estrera, kinsa paingon magpabakuna buntag, sa Biyernes Hunyo 11, 2021.

Matod niya nga isip usa ka frontliner kinahanglan nila ang igong proteksyon batok sa Covid-19 ug tungod gihatagan sila og higayon nga magpabakuna wala siya magduha duha sa pagrehistro.

Gawas sa mga kapulisan, laing mga frontliner nga lakip sa A4 priority sub group ang nahinabi sa Superbalita Cebu usa niini si Ariel Salumag nga usa ka dispatcher sa pampublikong bus. / KFD


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph