Albor: Hangin sa kagawasan

Nangabot sa 13th century ang mga Insek sa Pilipinas giunhan sa pundok ni Limahong. Naulipon sa patigayon gihimong katabang ang mga kabos.

Sa 15th century ang mga Katsila nga nagbitbit sa Kristyanismo giunhan sa grupo ni Ferdinand Magellan. Giulipon kita dul-an sa 400 ka tuig.

Nalugtab ang talikala sa gihungit nga kapaitan kadtong pagsukol sa mga bayani nga miula sa ilang dugo.

Busa sa Agusto 25 saulogon ang National Heroes Day pagtamod sa giluyong nga mithi nga walay pagkalawos.

Hunyo 12, 1898 Independence Day gideklarar sa unang presidente Hen. Emilio Aguinaldo. Gipakayab ang nasudnong bandila nunot sa pag-awit sa Bayang Magiliw ug pagpanumpa sa Panatang Makabayan.

Apan wala ilha sa Amerika ang maong independensya. Sa Treaty of Paris sa 1898 ang himalatyong pwersa sa mga Katsila mitugyan sa Pilipinas ngadto sa mga Amerikano nga maoy nagbitbit sa edukasyon. Miulipon kanato sulod sa 47 ka tuig.

Miinit ang panagbangi si Aguinaldo miproklamar og gubat. Misukol sila si Gregorio del Pilar ug Antonio Luna apan napatay. Misalmot sab sa rebolusyon si Tandang Sora Climaco. US Pres. Teddy Roosevelt mideklarar og kadaugan sa 1941. Nagkauli sa paninguha sa peace commission.

Sa 1941 mihugpa ang mga Hapon nga nagbitbit sa bomba ug inprastraktura atol ni Commonwealth Pres. Manuel Quezon ug mihulip si Don Sergio Osmeña Sr. Nagbahis hinungdan sa pag-ulbo sa World War 2 sa 1942-1945. Gilabanan kita sa mga Amerikano. Abril 9, 1942 nailog ang kota sa Bataan apan nagpakita ang mga sundalong Pilipino, Amerikano ug Insek sa kaisog sa pagtahan maong gideklarar ang Araw Ng Kagitingan.

Si Hen. Douglas McArthur nananom og bomba sa kawanangan gipaslag ang Nagasaki ug Heroshima nga gikampohan sa mga Hapon. Kahayag sa Marso 26, 1945 sa dihang midunggo ang pwersang Amerikanhon sa Talisay nga nakapatakas sa mga Hapon.

Nakatampo sa kasaysayan sila Hen. Isagani Carpio, Dodong Abellana ug mga beterano maong gideklarar matag Nob. 11 nga Veterans Day. Liberasyon sa Hulyo 4, 1946 isip Fil-Am Friendship Day.

Pagkatahom hanggabon ang hangin sa kagawasan.

(csa_1156@yahoo.com / 09064648954)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph