Dear Noy Kulas,
Maayong adlaw. Ako si Lau. 34 years old, minyo apan buwag na sa bana for three years kay sumasakabilang bahay.
Bag-ohay lang mi nag class reunion sa college nako. Natural, nagkakita sa mga classmate. Usa ani akong nauyab og kadiyot. Taguon lang nato siya sa ngan nga Mark.
Kini si Mark pareho nako, minyo sab ug dunay duha ka anak. Nagkabuwag sila sa iyang asawa nga toa sa abroad nag work kay nakakita na og lain didto. Karon, sige na mi og kita ni Mark ug na discover namo nga we still have feeling para namo. In short, Noy, love namo ang usag usa.
Karon na worried ko kay three months na kong mabdos ug si Mark ang papa. Wa koy problema kay happy gani si Mark nga namabdos ko aron makaanak ko. Pero na worry ko sa akong bana kay basin ikiha mi. Unsay akong buhaton, Noy? Please I need your advice.
LAU
Lau,
Kon duna na silay anak sa iyang kapuyo karon nga wa nimo gisulti dinhi sa imong suwat, patas na mo. Kon wa, kuyaw tuod nga balihon sa imong bana nga ikaw ang nagbinuang sa inyong kaminyuon kay duna ra ba gyuy tawo nga maayo kaayong mogama og estorya. Pag-andam lang sab og mga ebidensya nga siya ang nibiya nimo for three years na. Text messages ug uban pa.
Anyway, posible sab nga di na siya manghilabot nimo kon wa mo sila hilabti kaniadto kay kon iya ning buhaton, nagpasabot nga duna pa siyay feeling nimo. Unya masuko ang iyang partner nganong nagpakabana pa man siya nimo. Hinaut nga mao sab nay iyang panghuna huna.
Pag concentrate sa pag-atiman sa imong gisabak. Pray nga maayo ang imong pagpanganak.
NOY KULAS
rojval69@yahoo.com