SUPERBALITA CEBU

Nadela: Pag-angkon og kaugalingnan

ASOY NI

Happy Independence Day! Ang mga bayani nga responsable sa pag-angkon og kaugalingnan sa atong nasod, handumon sa kanunay. Dili lang ning adlaw nga nahimong gawasnon ang atong nasod gikan sa kamot sa mga langyaw. Daghan sa ilang mga kaliwat ang buhi pa. Gani ang uban nila ato pa usahay ikasalo og kaon diha sa carenderia ug restaurant. Way nasayod nga ang atong ika tapad sa dyip mga kaliwat diay sa mga gerilya nga nagpakamatay alang sa atong nasod.

Tinuod kana. Dunay daghang bayani, kansang mga pangalan wala maapil og pasag-ulo sa atong mga magtutudlo da eskwelahan kay wala man malakip ang ilang mga pangalan sa mga libro. Mga tawo nga dili lang dugo ang gipatulo, apil na ang ilang ugma ug sa ilang pamilya. Hangtod karon naa pay daghan kanila ang wala pa makapauli sa kiliran sa ilang pamilya kay tua pa sa pang gubatan sa Mindanao.

Ang frontliners sa padayong gubat batok sa pandemya, dili ikag limod nga maisip sab nga mga bayani sa bag-ong panahon. Pila na ba kanila ang nangamatay aron lang masalbar ang kinabuhi sa uban human matapti ning makamatay nga virus. Depende kong unsay imong hubad sa pulong nga bayani, ang importante nga nagpakisayod kita aron atong mailhan ang mga tawo nga naglihok aron padayon kitang gawasnon.Ilakip nato sila sa atong mga pag-ampo.

Nagkita mi sa akong agaw Felipe Cabunilas sa Pasil Fish Port sa niaging upat ka adlaw. Sayo kong namalit og isda niadtong higayonan sa dihang nag-abot mi sa usa ka painitan kilid sa tarimahan. Isip usa ka konsehal sa Barangay Pasil, iyang gipaambit nako ang daghang programa nga gipasiugdahan sa ilang barangay.

Nindot ang among gihisgutan nga mao ang pagsubay sa kasaysayan sa Barangay Pasil. Tuyo niini mao ang pag-ila sa mga tawo nga responsabli sa pag-ugmad pagkahimugso sa ilang barangay. Sa ato pa gusto ni agaw Felipe nga masuhid kong kanus-a gyud nahimong barangay ang maong dapit. Apil na ang pag-ila kinsa ang mga tawo nga responsabli niini.

Usa ka komitiba ang hulmahon aron sangunan ning maong gimbuhaton. Nindot kining maong plano aron sa ingon makat,-on ilabi na ang kabataan sa kasaysayan sa ilang barangay. Dili kay mahurot nila og memorya ang history sa ubang dapit, peto sa ilang kaugalingon barangay “no earth” sila sa pinulongan pa sa uban.

Human masubay, ang petsa sa pagkahimong barangay sa Pasil mao nay dumdumon matag tuig aron sa saulogon. Ubos ning plano ni Kagawad Cabunilas, duna na unyay Araw ng Pasil. Nindot ni nga pasiugdahan sa ubang barangay. Dili kay ang Pasil ra. Atong paabuton kining maayong kaugmaran taliwala sa pandemya.

Maisip ni nga handumanan alang sa 20 ka tuig nga pagpangatungdanan nimo gaw diha sa inyong barangay. Gikan sa lugar sa dakbayan sa Sugbo nga gitawag og Abuno, tungod kay labayanan kaniadto og basura, ngadto na sa Barangay Pasil, atong sundon unsa pa ang mga nindot nga sugilanon sa maong barangay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph