Asa na si Presidente Rodrigo Duterte? Ang iyang mga kaalyado sa administrasyon nagkahinay og kasiak bahin sa swab-upon-arrival policy ni Cebu Gov. Gwendolyn Garcia alang sa sa overseas Filipino workers (OFWs) ug returning overseas Filipinos (ROFs) nga moabot sa Mactan Cebu International Airport (MCIA).
Nisamot human ang Malacañang nimando sa ikaduhang higayon sa pagpaliko sa tanang inbound international flights sa MCIA ngadto sa Ninoy
Aquino International Airport (Naia) tungod sa hugot nga baroganan ni Gwensa naasoy nga polisiya.
Sa paglahilom, may lain pa kahang resbak ang Makacañang ubos sa pagmaniobra sa IATF?
Sumala sa Executive Order (EO) 17 ni Garcia, ang OFWs ug ROFs ipaubos dayon sa swab test inig abot sa MCIA ug mo-check-in sa usa ka hotel sud sa tulo ka adlaw aron magpaabot sa resulta sa test. Kon negativei, makapauli dayon sa dapit ug i-quarantine sa ilang balay.
Apan ang Inter Agency Task Force (IATF) nimando nga tanang OFWs ug ROFs ipa-check-in sa hotel ug sa ikapito ka adlaw ipaubos sa swab test. Bisan negative, mokompleto sa ilang 14-day quarantine sud sa hotel ug ang positive isulod sa pasilidad sa isolation.
Mao kini ang gamay nga deperensiya apan nahimong dakong bangi. Apektado kaayo ang OFWs ug ROFs sa lalis.
Walo ka mga kongresista uban sa pipila ka mayor sa Sugbo ug grupo sa mga abogado sa managlahing manifesto nga nasuporta sa polisiya ni Gwen. Lima na usab ka mga senador sa administrasyon ang ningpadayag sa ilang suporta. Nanawagan sa pag-review sa protocol sa IATF.
Gipaabot nga modaghan pa ang moabin sa gobernador sa Sugbo.
Busa, kinahanglan nga motingog na si Duterte sa paghilot sa kasungian o paghingpit sa ilang pagkasiak. Kon hugot nga mopabor ang presidente sa IATF. Maayong mangandam si Garcia sa laing resbak sa Malacañang.