Gipadayag ni Top Rank big boss Bob Arum nga nakabintaha si Errol Spence Jr., sa ilang umaabot nga away batok ni Manny Pacquiao karong Agusto 22 sa Las Vegas sa Amerika.
Ang maong pamahayag gibuhian ni Arum atol sa iyang pag-promote sa away ni Shakur Stevenson vs Jeremiah Nakathila sa ESPN dihang niadto siya sa Las Vegas para sa sumbagay karong adlawa.
Si Arum kinsa maoy promoter ni Pacquiao sa taas nga panahon nihulagway nga underdog ang iyang kanhi pambato batok ni Spence Jr o Terrence Crawford apan di pa masiguro ang resulta sa away.
“Look Spence and [Terence] Crawford would be a big favorite against Manny Pacquiao, but you never count Manny Pacquiao out. Pacquiao is the kind of fighter that can rise to an incredible occasion,” matod ni Arum kinsa nasuhito kang PacMan.
Si Pacquiao moaway og balik human sa iyang kapin duha ka tuig nga pagpahuway gumikan usab sa pandemya. Ang iyang preparasyon gipahugtan na karon aron mosuway og labni sa bakos ni Spence sa WBC/IBF welterweight championship. Nakataya sab ang bakus sa senador sa Pilipinas para sa unification bout.
Si Arum mao nay naggiya kang Pacquiao gikan pa sa iyang featherweight paingon ngadto sa junior middleweight diin nahimo silang duha nga sakop sa Hall of Fame sa boxing uban ni coach Freddie Roach.
Ang dili malimtan sa kalibutan mao ang promotion ni Arum kang Pacquiao kinsa iyang gikontra batok ni Oscar De la Hoya diin ang Pambansang Kamao kinsa nagtimbang og 135 pounds, kalit nga nilayat paingon sa 147 para atubangon ang Golden Boy nga gituohan sa kinabag-an nga grabe ang mismatch.
“I remember when I put Manny in with Oscar De La Hoya and they threatened to put me in jail in the Philippines for jeopardizing Pacquiao’s life. All the reporters here [in the United States] said what a mismatch it was. It ended up with Pacquiao handling Oscar easily and if it was a mismatch it was a mismatch the other way,” padayag ni Arum nga nagkatawa.
“There’s certain guys in life that you never count out and one of them is Manny Pacquiao,” pagpadayag sa hall of fame boxing promoter. (PAC)