Ang Pagbalik” ni Dante Luzon, nunot niini may daghang mga pangutana kon asa gyud kini mobalik? Ug unsay balikan ni Dante?
Ang pagbalik ni Dante sa pag-arti atubangan sa camera, mao kini ang tinuod ug pinaagi sa “Ang Pagbalik” nga telemovie atong makita og balik ang beteranong Dante Luzon, nga pipila na usab ka tuig nga wa makita natong mi-arti sa telebisyon.
Sa maong telemovie may balikan usab si Dante, ang iya kahang asawa ang beteranang Tess Diez? Ang iyang anak nga si Dan Sy Lopez? O ang iyang babaye nga si Joan Flores?
Grabe ka komplikado ang dagan sa sugilanon sa ilang pamilya, kon unsa may hinungdan ug unsa may padulngan sa istorya kini tanan matubag sa telemovie nga “Ang Pagbalik” nga makita ninyo sa HELP TV FACEBOOK karong Hunyo 20 (6PM), Hunyo 21 (4PM) ug sa Hunyo 22 (8PM).
Makauban nilang Dante Luzon, Tess Diez, Dan Sy Lopez ug Joan Flores silang Don Emok, Lorenz Evangelio, Atty. Win Prada, Lorna Traya, Niña Alaura nga adunay mga importanteng papel sa maong salida ug uban pa.
May espesyal nga partisipasyon usab ang timeless diva nga si Dulce.
Sa pagkakaron, adunay gipahigayon nga presscon/showing sa telemovie nga “Ang Pagbalik” kauban ang pipila ka mga entertainment writers sa Sugbo ug cast sa telemovie dinhi sa Soul Sierra ( Muego Glass House and Garden).
Ang telemovie nga “Ang Pagbalik” makita nato sunod Dominggo haom kaayo sa “Father’s Day” kini sinuwat ug ubos sa direksyon ni Sam Costanilla, Ay’g Saba!
* * *
Angel Locsin naglaum nga atong suportahan ug i-goodluck sa iyang gisugdan nga 800 calorie diet karon.
Nanambok og sugod ang Angel sa dihang nasugdan niya og inom ang iyang maintenance nga tambal human siya operahi niadtong 2016.
Gani, sa iyang pagpanambok grabeh ang mga bashers, nalukop na lang sila og panaway sa iyang gidak-on.
Apan kini tanan wala niya tagda ug deadma lang maski unsa pa ang ilang isulti sa iyang gidak-on kay matod pa sa babaye iya man kining lawas ug wala siyay problema niini.
Apan karon hinay-hinay niyang sugdan ang usa ka bag-ong lifestyle nga matod pa healthier ug more fit para kang Angel Locsin, Ay’g Saba!
* * *
Dugay na nga gustong pag-ubanon sa usa ka proyekto ang kanhi magka-loveteam nga silang Claudine Baretto ug Mark Anthony Fernandez.
Mga duha ka dekada na kapin ang katapusan nilang pelikula karong sunod semana excited ang duha kay sugdan na ang shooting sa pelikulang “Deception” diin balik tandem ang duha, Ay’g Saba!