Sa di madugay, duna na unyay 100 ka hektaryang reclamation project ang lungsod sa Minglanilla alang sa ilang business park.
Kini human gipirmahan sa Biyernes, Hunyo 11, 2021, ang Memorandum of Agreement tali sa lokal nga kagamhanan sa Minglanilla ug Philippine Reclamation Authority (PRA) alang sa P20 bilyunes nga Minglanilla Techno-Business Park kun Ming-Mori reclamation project.
Sa pagpirmahay sa MOA, ang lungsod sa Minglanilla girepresentahan ni Mayor Elanito Pena samtang ang PRA mao si CEO manlalaban Banilo Rubiato.
Ang seremonyas sa pagpirma nga gipahigayon sa Citadines Cebu City gisaksihan ni Cebu Landmasters Inc. (CLI) CEO Jose Soberano III, chairman ug president sa CLI affiliate Ming-Mori Development Corp.
Ang CLI mao ang developer ug manager sa 100 ka hektaryang technohub nga gilantaw nga maoy sentro unya sa kalamboan sa rehiyon nga gidesinyong malungtaron ug di makadaut sa kalikupan.
Ang PRA maoy makigtambayayong ug magdumala sa tanang mga reclamation project sa nasod. Ang pag-aprobar sa proyekto nagpasabot nga gisusi kini og maayo sa kagamhanan. Nilanat kini og daghang katuigan tungod kay daghan og gikonsulta ag PRA.
Niadtong 2020, ang Ming-Mori project giisyuhan og Environmental Compliance Certificate (ECC) human sa lima ka tuig nga makuti ug lapad nga review.
“The project will take CLI to a brand-new level and widen the range of our customer base to include light-industrial and technology-driven companies,” Soberano highlighted. “We aim to achieve a balanced and mutually supporting relationship between urban mixed-use development, light-industrial land use and environmental stewardship. This will be our formula for sustainable growth and development,” matod ni Soberano.
Matod ni Soberano nga mao kini ang labing dakong proyekto sa CLI.
“Because of the scale of this project that will take several phases to develop, we have carefully and meticulously planned it to be sustainable and supportive of future generations,” dugang niya. / REV gikan sa PR
Ang CLI dunay igong kapitan sa pagpalambo ug pagdumala sa proyektong dakog capital tungod sa solidong suporta gikan sa equity ug bank partners.
Sayo ning tuiga, ang listed nga kompaniya nakakuhag P3 bilyunes nga notes aron gastuhon sa sayong bahin sa proyekto sa Ming-Mori sugod sa ikaupat nga quarter sa 2021.
Ang kaduol sa proyekto sa Cebu City naghimo niining maayong dapit alang sa light manufacturing industries labina nga ang industrial parks sa lalawigan puno na.
Si Pena, sa iyang bahin niingon nga dugay nang damgo sa mga taga Minglanilla ang business park.
“Ming-Mori Techno Business Park is the long-awaited realization of a dream of many Minglanillahanons that would later become a representation of progress that all of us will be forever grateful for. It is indeed, all in Minglanilla!” (REV gikan sa PR)