SUPERBALITA CEBU

8 ka barangay gibahaan

TAGA HAWAK. Samtang nagbunok ang uwan sa Metro Cebu, mga lumolupyo sa likod sa T. Padilla public market sa Dakbayan sa Sugbo miubog sa taga hawak nga tubig sa Sabado sa buntag, Hunyo 12, 2021. Ang dapit usa lang sa apektado sa baha sa siyudad tungod sa pagbunok sa uwan sugod sa mga alas 6 sa buntag. (TAMPO NI YVETTE YAP)

WALO ka mga barangay ang gibahaan samtang upat usab ang nangaigo sa landslide atol sa pagbunok sa uwan sayo sa Sabado sa buntag, Hunyo 12, 2021 sa Dakbayan sa Sugbo.

Sa pagsuwat ning taho, sila si Cebu City Disaster Risk Reduction and Management Office (CDRRMO) niresponde pa sa usa ka landslide sa Barangay Taptap, bukirang dapit sa Dakbayan sa Sugbo nga naigo sa landslide.

Matod ni Ayuman sa interview sa Superbalita Cebu nga daghan sa gagmay nga mga sapa sa kinapusoran sa Dakbayan sa Sugbo mingsuyla atol sa pagbunok sa uwan.

Ang mga barangay nga apektado sa baha mao ang Malubog, Kamputhaw, Lorega San Miguel, Ermita, T. Padilla, T. Padilla, Tejero ug Toong.

Naapektuhan usab sa landslide ang Barangay Kalunasan, Lahug, Png-ol Sibuhay ug Taptap.

Sa sityo Pili, Malobog, 17 ka mga balay ang apektado sa baha samtang lima sa Barangay Toong.

Matod ni Ayuman nga 17 ka mga pamilya ang ilang gipabakwit sa Malobog human mosulod ang tubig sa ilang mga balay.

Lima usab ka mga balay ang gianod sa baha sa Barangay Toong sa Sabado sa hapon, apan way naunsa kay napabakwit gilayon ang mga lumolupyo.

Bisan tuod kon nituang ang uwan sa ubang bahin sa dakbayan, apan padayon ang uwan sa bukirang bahin.

“Nituang na diri sa atoa, pero sa bukid sige pang uwan. Mao to pagkahapon, gibanlas ang mga balay,” sulti ni Ayuman sa Superbalita Cebu.

Sa mga alas 6:53 sa gabii, ang CDRRMO nakadawat og taho nga dunay tawo nga na-trap sa iyang balay human kini maigo sa landslide.

Mga rescuer gikan sa CDRRMO ug Bureau of Fire Protection (BFP) daling ningtubag sa alarma. “Nanghinaut lang ko nga zero casualty ta,” matod ni Ayuman.

Sa kinapusoran sa siyudad, ningsuyla ang sapa sa taytayan sa Kamputhaw, sa Genaral Maxilom Avenue ug Tejero Creek hinungdan sa pagbaha sa Mc Arthur Boulevard.

Duna usab silay giluwas sa Barangay Ermita tungod sa pagsaka sa tubig sa Forbes Bridge. Tulo ka mga tawo ang ilang gi-rescue.

Duna say mga kahoy nga nangatumba sa sityo Sugarlandia, Barangay Bacayan; Pope John Paul Avenue sa Barangay Kasambagan ug Ma. Cristina st. sa Barangay Capitol Site.

MANDAUE



Sa Dakbayan sa Mandaue, naukal ang usa ka parte sa Lopez Jaena St., Barangay Subangdaku, duol sa Innodata tungod sa kusog nga pagbunok sa uwan.

Sa pakighinabi sa Superbalita Cebu kang Buddy Alain Ybañez, pangu sa Mandaue City Disaster Risk Reduction Management Office (CDRRMO), ang lugar nakasinati og taga tuhod nga tubig alas 8 sa buntag. / REV

Naglisod pag-agi ang mga sakyanan ug motorsiklo sa lugar, hinuon ang baha niubos human sa usa ka oras.

Sa pagkutat sa tubig, nakita nga naukal nga aspalto.

ungod sa pag-ukal, wa una kini paagii ug gi-cordon una, apan matod ni Lawyer John Eddu Ibañez, executive secretary ni Mandaue City Mayor Jonas Cortes, nga usa lang ka lane ang maagian una sa maong dalan paingon sa Cebu City. (REV)

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph