Mga mag-uuma nakabawos banakon

Hulagway iya ni Chokoy Saban
Hulagway iya ni Chokoy Saban

USA ka dakong banakon o King Cobra ang napatay sa mga molupyo sa probinsiya sa North Cotabato alas 2 sa hapon, Sabado, Hunyo 12.

Giasoy ni Chokoy Saban nga molupyo sa Sitio Saban, Barangay Maybula, Tulunan nga ilang nasiplatan sa kakahoyan duol sa ilang uma ang dakong bitin.

Sa dihang gisusi, ilang nadiskubre nga usa kini ka banakon.

Nagtinabangay ang mga namuyo sa Sitio Saban ug ilang gipusposan ang bitin gamit ang mga sanga sa kahoy.

Sa diha nga nalipong ang banakon, ilang gidakdakan og bato ang ulo niini.

Kahinumdoman nga usa ka mag-uuma ang napatay niadtong Huwebes sa miaging semana didto sa Barangay Paraiso sa nahisgutang lungsod gihapon human gipaak og banakon.

Nagpasidaan si Tulunan Mayor Reuel Limbungan sa mga namuyo sa mga ngiob o lati nga dapit, lakip na sa ilang kaumahan, nga mag-amping ug igmaton ang ilang kaugalingon batok sa lala nga banakon. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph