SUPERBALITA CEBU

Gaduwa sa kinatawo atubangan sa cashier

Hulagway sa Asturias Police Station

Cashier nagtuong kustomer nga mopalit og pan ang niduol kaniya, apan nagduwa diay sa kinatawo sa iyang atubangan samtang siya nagbantay sa bakery alas 11:30 sa buntag sa Dominggo sa Brgy. Poblacion, Lungsod sa Asturias, Cebu.

Ang 29- anyos nga minyo nga cashier sa San Jose Bakeshop, nakurat, apan daling nakataho sa nagpatrolyang kapulisan.

Daling nasikop ang kustomer nga giilang si Elboy Salvador Jugan, 26, ulitawo, lumad nga taga Brgy. Polambato, Dakbayan sa Bogo.

Si Police Staff Sgt. Gilmer Noval, imbestigador sa Asturias Police Station nga nahinabi sa Superbalita Cebu nagkanayon nga nakugang ang cashier sa gibuhat ni Jugan kay nagtuo siyang mopalit og pan.

Human nakaduwa sa kinatawo, yanong nilakaw si Jugan, apan akto sab nga dunay mga pulis nga ni-roving gitug-anan kini sa cashier./ GPL

Dihang gidakop ug gipusasan, giingong nisukol pa si Jugan.

“Bugoyon ni siya gi-tripping niya ang cashier, murag nakagamit ba. Ikaduha naman daw ni niyang nagbinastos,” dugang ni Noval.

Kasong unjust vexation, ingon man resisting arrest ang giandam sa kapulisan batok kang Jugan. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph