Duterte-Carpio gisaway si Robredo

GISAWAY ni Davao City Mayor Sara Duterte-Carpio ang komento ni Vice President Leni Robredo labot paningkamot sa siyudad sa Davao kontra Covid-19.

Ning bag-o, mihatag og komento ang bise presidente ug namahayag nga mas maayong sun-on sa siyudad ang gihimo sa Cebu City paunsa nila nakontrola ang virus pinaagi sa pakigbulig sa pribadong sektor ug aktibong lihok sa medikal nga komunidad.

"Kasi kung titingnan mo ngayon na nagsaspike na, sa Cebu parang controlled, 'di ba? Parang controlled and marami ang ginawa -- ang partnership doon hindi lang talaga LGU pero very active doon ang medical community. So tingin ko ang mga lessons sa Cebu, ganoon din. Makakapulot ng aral ang Davao," ni Robredo.

Apan ang maong komento nakapainit sa dunggan sa batan-ong Duterte.

"The Vice President should refrain from giving advice if she knows nothing about what is happening on the ground. This has been the hallmark of her term as VP, where she puts forth comments on matters and affairs she lacks understanding and knowledge on and does not offer anything helpful to solve a problem," sa pahayag nga gipadayag sa mayor pinaagi sa Davao City Information Office.

Suma ni Duterte-Carpio nga grabe ang tabang sa pribadong sektor sa kampanya sa siyudad kontra Covid-19.

Gihangyo sab sa mayor ang bise presidente nga di atakehon ang medical community sa dakbayan sa Davao tungod sa di tiaw nilang sakripisyo.

"The VP should not attack the medical community of Davao City as being inactive when they have been silently suffering and working tirelessly to help save lives since March of last year," matod sa mayor.

Dugang ni Duterte-Carpio, di angay nga gamiton ni Robredo ang kaso sa Covid-19 sa siyudad sa pamolitika.

"There will be a proper time to attack my performance as an LCE (local chief executive) in this pandemic if she dares to run for president," pintok nga pamahayag sa mayor. (Jeepy P. Compio/CIO)