ANG ihap sa mga aktibo nga kaso sa Cagayan de Oro miabot na sa 1,619 human nakatala ang dakbayan og 68 ka mga bag-ong kaso sa Covid-19.
Miabot sa 8,904 ang kinatibuk-ang ihap sa mga kaso sa Covid-19 sa dakbayan, ug ang aktibo nga kaso anaa sa 1,619.
Sa 68 ka mga bag-ong kaso, 26 niini mga local cases with link, upat ang mga lokal nga authorized persons outside residence (Apors), 33 ang mga local index nga mga kaso, ug lima ang mga patay.
Matud ni Acting City Health Officer Dr. Lorraine Nery, sa 8,904 nga kinatibuk-ang kaso sa Covid-19, 442 niini mga ROFs/LSIs ug 8,462 ang mga local transmissions.
Ang Cagayan de Oro adunay 1,619 ka mga active cases, 381 niini na-admit sa Northern Mindanao Medical Center ug uban pang mga ospital sa syudad, 1,236 ang mga outpatients, ug duha ang mga ROFs/LSIs.
Nakatala usab og 67 ka mga coronavirus-positive nga mga kaso nga karon naka-recover. Anaa na karon sa 6,892 ang ihap sa mga nakarekober nga mga kaso sa dakbayan.
Sa maong numero, 315 ang mga LSIs, 124 ang mga ROFs, ug 6,453 ang mga local nga kaso (community: 5,434; Apors: 1,019).
Ang recovery rate sa Cagayan de Oro anaa sa 77.40 percent.
Ang ihap sa mga namatay sa Covid-19 sa syudad anaa na sa 393.