RIATF-MEID mipalag sa pahayag ni VP Robredo

Hulagway gikan sa Philippine Information Agency
Hulagway gikan sa Philippine Information Agency

GAWAS ni Davao City Mayor Sara Duterte-Carpio, mipalag sab ang hepe sa Regional Inter-Agency Task Force for the Management of Emerging Infectious Diseases (RIATF-MEID) sa Davao Region sa patutsada ni Vice President Leni Robredo nga suma pa angay makat-on ang siyudad sa gihimong lakang sa Cebu aron mapaubos ang kaso sa Covid-19 sa Dakbayan sa Davao.

Sumala ni RIATF-Davao chairperson ug Department of the Interior and Local Government (DILG) Regional Director Alex Roldan nga una mohatag og komento, mas maayong sayron suma pa sa bise presidente ang sitwasiyon sa matag lugar sa nasud.

Alang ni Roldan nga di sab sakto nga itandi ang Cebu sa Davao tungod managlahi ang sitwasiyon sa duha ka lugar kung hisgutan ang isyu sa Covid-19.

Una niini, naitok si Duterte-Carpio sa pamahayag ni Robredo diin alang niya nga grabe ang tabang sa pribadong sektor sa kampanya sa siyudad kontra Covid-19.

Gihangyo sab sa mayor ang bise presidente nga di atakehon ang medical community sa Dakbayan sa Davao tungod sa di tiaw nilang sakripisyo.

Dugang ni Duterte-Carpio, di angay nga gamiton ni Robredo ang kaso sa Covid-19 sa siyudad sa pamolitika. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph