Aron nga mas masabtan ang hisgutanan labot sa protocols nga gipatuman sa Lalawigan sa Sugbo ilabi na niadtong overseas Filipino workers (OFW) ug returning overseas Filipinos (ROFs) nga manguli-ay, gi-dapit ni Cebu Governor Gwendolyn Garcia ang Inter Agency Task Force (IATF) sa himuong tigum uban sa Provincial Board members nga ipahigayon sa Capitol Social Hall.
Samtang padayon nga tumanon ang Ordinance 2021-04 sa ProbinsIya sa Sugbo ug ang Department of Health (DOH) Central Visayas maoy nangulo sa pagpahigayon og double swabbing sa OFWs ug ROFs nga mipa-uli sa Sugbo.
Sa maong tigom hisgutan ang mga lagda ug pagpasabot sa gihimong “critique” sa kasamtangang protocols sa Lalawigan sa Sugbo ug gidapit ni Garcia ang sakop sa IATF atol sa gihimong Senate hearing sa Hunyo 15.
“I’ll be asking our Provincial Board members to revisit the ordinance and this time to invite the technical advisers or medical experts that Secretary Duque continues to refer to invite over to the province of Cebu so that they could present their own data,” matod ni Garcia sa maong hearing.
Atol sa hearing gipahibawo ni Garcia nga wala makadawat og kopya ang Probinsya sa resulta sa gihimong “critique” sa IATF nga gipangulohan ni DOH Secretary Francisco Duque III.
Misanong si Duque sa imbitasyon og misaad nga hatagan og kopya ang Probinsya sa resulta sa gihimong pagtuon.
Samtang gipahibawo ni DOH7 Chief Pathologist Dr. Mary Jean Loreche nga ipadayon gihapon ang pagpatuman sa double swabbing policy sa MCIA og miklaro nga wala kini mo supak sa lagda sa kaulohan.
“If you really look at it, hindi naman talaga tayo nag violate. It has always been in compliance with the IATF guidelines on testing protocols and quarantine,” matod pa ni Loreche. (ANV)