Dear Papa Joe,
Maayong adlaw nimo. Ako diay si Linda, 25 years old, usa ka teacher. Magpatambag ko bahin sa akong boyfriend nga dili showy sa iyang love diri nako.
Hapit na mi mag celebrate sa among first year anniversary pero ambot ba, magsige lang mig away. I mean ako ang mangaway niya kay unsaon mura ra man siyag wala, kuwang sa affection. Matawag hinuon mig LDR kay naa ko sa city samtang siya naa sa laing probinsiya, pero dili gud layo kaayo. Kon gustohon gyud niya, pwede ra gud mi magkita bisag once a week man lang.
Permi lang niya pasanginlan ang Covid. Naa kunoy covid maong dili siya maka-arig siyudad permi. Well, tinuod na, dawat ko sa iyang rason, pero nganong hasta sa chat namo murag way gana. Yes, busy ko sa work pero og mag offline message siya nako, mabasa raman unta nako kon mag open nako sa FB. Duna say cellphone nga pwede ra mo text ug call, pero tagsa ra kaayo siya mo communicate nako. Kinahanglan pa nako siya awayon para magkaestorya mig dugay. Unya ako siyang buwagan, pero dili siya mosugot kay love kuno ko niya. Unsa man gyud akong buhaton niya? Palihug tambagi ko.
LINDA
Dear Linda,
Duna gyuy mga lake nga dili showy. Pero sa inyong case, bag-ohay pa lang mo, dapat mag getting to know each other pa mo maong importante kaayo ang communication. Pero nangutana ba sad ka unsay rason nga tagsa ra siya ka communicate? Maybe busy pod siya sa iyang work ug unsa man gani iyang gibuhat didto? Angay pod kang mosabot and as much as possible ayaw sigeg pangaway kay makapuol sad baya na. Paminawa iyang rason ug ayaw palabi pagka demanding kay in the first place, dili pa mo minyo.
Kon paminaw nimo daghan kag reklamo ug wa na ka kasabot sa inyong relasyon, undangi na lang na kay bata pa man kaayo ka. Naa pay daghang lalake diha.
Daghang salamat.
PAPA JOE
(Sa inyong mga problema, ipadala sa papajoesuperb@gmail.com)