SUPERBALITA CEBU

Durant miaswat sa Nets sa Game Five batok Bucks; Brooklyn 3-2 na sa series

Kevin Durant (AP)

Nahimutang sa peligrusong dapit human gisungog og mga injuries, ang Brooklyn Nets misandig sa kabangis ni Kevin Durant aron buntogan ang Milwaukee Bucks, 114-108, sa Game 5 sa Eastern Conference playoffs.

Si Durant mipahagsa og 49 puntos, 17 ka rebounds ug 10 ka assists sa usa ka talagsaong performance sa postseason aron sakmiton ang 3-2 nga bintaha sa series.

Sa pagkawagtang ni Kyrie Irving sa Game Fourt tungod sa pagkapiang sa tuong tikod niini, pugoso nga nakabalik si James Harden apan igo lang kini nakapugnit og singko puntos ug sipyat sa tanang walo ka itsa sa three-point area.

Niini, si Durant miabaga sa tanang responsabilidad nga walay pulipuli sulod sa 48 minutos diin mipugnit kini og 16 puntos sa 23 ka field goal.

Sa fourth quarter lang, nakakolekta siya og 20 ug ang iyang tres sa katapusang 50 segundos maoy nahimong likuanan sa ilang kadaugan.

Ang two-time NBA Finals MVP maoy unang player sa kasaysayan sa NBA nga nakapugnit og labing minus 45 puntos, 15 ka rebounds ug 10 ka assist sa playoff game.

Si Jeff Green nga nakaabag usab og pito ka tres midugang og 27 puntos alang a Nets kinsa nabiyaan nag 17 puntos human sa ilang duha ka sunodsunod nga kapildihan didto sa Milwaukee.

Ang laing naka double-figure sa Brooklyn mao si Blake Griffin nga adunay 17 puntos.

Ang Game Six sa series mobalik didto sa Milwaukee sa Huwebes (Biyernes sa Pilipinas). Sa karon nga season, ang Bucks wala pa mapildi batok sa Nets diha sa ilang korte.

Sa wala ang Game 5, si Nets headcoach Steve Nash mibutyag nga anaa ra gyud ang desisyon ni Harden kon moduwa ba siya o dili. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph