GIPANUBAYAN na sa kapulisan sa Ecoland Police Station ubos sa Davao City Police Office ang posibleng mga parokyano sa binulto nga shabu nga ilang nakumpiska sa duha ka lalaki atol sa buy-bust operation alas 2:30 sa hapon niadtong Martes, Hunyo 15, 2021 didto sa Barangay Talomo Proper, Davao City.
Sumala sa report sa Ecoland police nga dugay na nilang gipanubayan ang lihok sa duha ka suspek nga 21-anyos ug 19-anyos pulos residente sa Brgy. Talomo Proper, Davao City.
Ang station commander nga si Police Major Carol Jabagat nagbutyag nga gilayon nilang gikasa ang buy-bust operation dihang nagpositibo nga mobaligya og ilegal nga druga ang duha ka mga suspek.
Gituohang dunay dako nga drug lord nga supplier ang duha ka suspek nga maoy gipanubayan karon sa kapulisan.
Sa kasamtangan, balhog na ang duha ka suspek kinsa gipailawom na sa inquest proceedings sa korte kagahapon. (Jeepy P. Compio)