Ning padayon nga panaglahi sa health protocol alang sa overseas Filipino workers (OFWs) ug returning overseas Filipinos (ROFs) nga mangabot sa Mactan Cebu International Airport (MCIA), gidapit ni Party-list Rep. Raymond Democrito Mendoza, chairman sa Committee on Overseas Workers Affairs sa Ubos Balay Balauranan, si Cebu Governor Gwendolyn Garcia alang sa usa ka tigom sa Huwebes, Hunyo 17, 2021.
Sa suwat nga pinetsahan Hunyo 14, gidapit ang gobernador nga mahimong resource person labot sa lagda sa National Inter-Agency Task Force (NIATF) alang sa mga manguli nga OFWs ug ROFs.
Si Garcia nisanong na sa imbitasyon, apan moapil siya sa virtual nga paagi. Lakip usab sa hisgutan sa Kongreso ang updates sa sitwasyon sa mga OFW nga naapektuhan sa Covid-19 pandemic.
Subay sa Cebu Provincial Ordinance 2021-04, ipatuman gihapon ang swab-upon-arrival ug ang 7th day swab testing bisan kon nimando na si Presidente Rodrigo Duterte nga tumanon ang IATF guideline sa mangabot nga ROF ug OFW.
Lahi ang IATF guidelines kay ang OFW ug ROF diretsong i-quarantine og pito ka adlaw sa accredited nga mga hotel. Sa ikapito pa ka adlaw una i swab ang OFW ug ROF ug kon mag negatibo, una pa sila makauli sa ilang balay.