SUPERBALITA CEBU

Barrita: Man’s best friend

Tipik sa Balaod

Ginaingon nga ang iro mao ang “man’s best friend.” Sukwahi ni sa nahitabo kang Jeny Rose Gomilao, 16 anyos nga dalaga, taga Barangay Looc, Oslob sa alas 4 sa hapon niadtong Hunyo 8, 2021.

Si Police Officer Elmer Ijan, desk officer sa Oslob Police Station, miingon nga mahimong pasakaan ang tag-iya sa iro og kasong reckless imprudence resulting in physical injuries ug kalapasan sa Republic Act (RA) No. 9482, ang Anti-Rabies Act of 2007 kon di siya moabaga sa pagpatambal kang Gomilao. Ang tag-iya sa iro nga magdumili sa pag-abaga sa medical expenses sa napaakan sa iyang iro multahan og P25,000.

Karon atong tukion ang panultion nga “A man’s best friend is his dog.” Kinutlo kini gikan sa closing argument sa bista sa kaso sa pagpatay sa usa ka iro nga ginganlan og “Old Drum” nga gipanag-iya sa usa ka Charles Burden didto sa Warrensburg, Missouri, Estados Unidos niadtong 1870.

Usa ka silingan ni Burden, si Leonidas Hornsby, nanag-iya og mga karnero. Nawad-an siya og mga karnero ug nagtuo siya nga giatake sa mga iro. Busa, misaad siya nga iyang pusilon ang iro nga mosulod sa iyang luna. Sa Oktubre 28, 1869, nakit-an ni Hornsby si Old Drum sa iyang tugkaran mao nga gipapusil niya kini sa iyang mga sakop.

Niabot sa korte ang kaso. Si Burden gilabanan nila ni G. N. Elliott ug John F. Phillips nga nahimong mga huwes, ug nila si Wells H. Blodgett nga nahimong State Senator ug George G. Vest nga nahimong US Senator sa 24 ka tuig. Si Hornsby gilabanan ni Francis M. Cockrell nga nahimo usab nga US Senator sa 30 ka tuig ug ni Thomas T. Crittenden nga napiling US congressman ug gobernador sa Missouri.

Ang mga abogado ni Hornsby nagtuo nga modaug sila sa kaso. Apan pagkadungog sa jury ug sa mga tawo sud sa korte sa closing argument ni George Vest alang sa gipatay nga iro, nanghilak sila. Daog si Burden ug gipabayad si Hornsby og 50 dolyares. Ania ang tipik niini:

“Gentlemen of the jury, a man’s dog stands by him in prosperity and in poverty, in health and in sickness. He will sleep on the cold ground where the wintry winds blow and the snow drives fierce, if only he may be near his master’s side. He will kiss the hand that has no food to offer; he will lick the wounds and sores that come from encounter with the roughness of the world. He guards the sleep of his pauper master as if he were a prince. When all other friends desert, he remains. When riches take wing and reputation falls to pieces, he is as constant in his love as the sun in its journey through the heavens.

“If fortune drives the master forth an outcast in the world, friendless and homeless, the faithful dog asks no higher privilege than that of his company to guard against danger, to fight against his enemies. And when the last scene of all comes, and death takes the master in his embrace and his body is laid away in the cold ground, no matter if all other friends pursue their way, there by his graveside will the noble dog be found, his head between his paws, his eyes sad but open in alert watchfulness, faithful and true even in death.”

Suma total, “A man’s best friend is his dog.” Pero timan-i ninyo pag-ayo. Ang imong best friend mao ang imong iro. Likay gyud sa iro sa laing tawo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph