Ang Cebu City Government mobalik na usab sa ilang pagpamakuna human naabot ang 10,000 doses sa Pfizer sa Hunyo 17, 2021.
Si Dr. Jeffrey Ibones, pangulo sa Cebu City Health Department, nagkanayon nga tulo sa ilang lima ka vaccination sites subling mamakuna gamit ang vaccine alang sa A1, A2, A3, ug A5.
Ang mga nakarehistro na online sa Cebu City Government ug naka-schedule na para sa first dose, mahimo nang makaadto sa UC-Banilad, UC-Sambag-I ug Robinsons Galleria.
Matod ni Ibones nga magpadayon sila sa paggamit sa maong bakuna hangtod mahurot.
Gipadayag sa pangulo sa CHD nga kon mag-everage og 2,000 ka vaccinees ang tulo ka site, hangtod ra sa Miyekules sunod semana ang bakuna.
Kon way laing bakuna nga moabot, temporaryo na usab ihunong sa City Government ang ilang vaccination rollout hangtod nga aduna na usay moabot nga vaccine gikan sa national government.