USA ka bata ang nalandig sa tambalanan human nataptan ug bukya samtang naligo didto sa kadagatan sa Barangay VI, lungsod sa Tuburan niadtong hapon sa Miyerkules, Hunyo 16, 2021
Usa ka box jellyfish, usa ka klase sa bukya ang nipilit sa lawas sa bata.
Namurot ug nang hubag ang nawong, bukton ug liog sa bata nga itago nato sa pangalan nga 'Jenard', 11 anyos ug nag puyo sa nahisgutang dapit human matapti sa box jellyfish.
Matud sa mga nakasaksi, ang bata kuyog sa iyang igsoon sa pagkaligo, ning kalit lang kini ug haw-as ang human kini maka bati nga nangatol ug nag ngul-ngul ang iyang kamot.
Niining pag balita, ang bata naa pa sa Tuburan District Hospital ug padayun nga gitambalan.
Matud sa United States National Science Foundation (NSF), 20 hangtud 40 tawo ang namatay sa Pilipinas tungod sa box jellyfish. (JDS)