SUPERBALITA CEBU

Babaye nga 'asset' gipusil patay

(Hulagway ni Guam P. Logroño)

Gipusil patay sa usa ka nagbinugtong nga gunman ang usa ka ginang nga natulog pasado alas 9 sa Huwebes sa buntag, Hunyo 17, 2021 sa sityo Pungtod, Barangay Mambaling, Dakbayan sa Sugbo.

Ang biktima mao si Josephine Rollon, 38, dunay kapuyo, nabilanggo kanhi sa kasong illegal drugs niadtong 2019,apan nakagawas ra human sa duha ka mga semana.

Samtang ubos siya sa probation, si Rollon nasikop sa kapulisan tungod sa ilegal nga sugal sa 2020.

Matod sa anak ni Rollon ug sa inahan sa iyang kapuyo nga usa ka tawo ang ningsulod sa ilang balay, diin natulog sa lawak ang biktima.

Diretsong gipusil si Rollon sa ulo ug lawas ug namatay diha-diha.

Ang gunman nga nag jacket og itom, nag gray og karsones, nag bonnet ug nag-helmet yanong nigawas sa balay ug naglakaw, apan wa na masuta diin padung.

Si Police Executive Master Sergeant Jefrey Larrobis niingon nga ila pang sutaon kon duna bay kalabutan sa illegal nga drugas ang pagpatay kang Rollon.

Ilang nasayran nga si Rollon gigamit nga asset, apan wa masuta kon unsa nga ahensya sa kagamhanan.

Giingong daghan na kini og napadakop nga durugista sa ilang dapit. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph