DAVAO DE ORO -- Moabot sa 1,000 ka mga face masks ang gipang-apud-apod ngadto sa mga molupyo sa Barangay Libaylibay, Maco alas 9:00 sa buntag, Miyerkules, Hunyo 16, 2021.
Matud pa nga ang aktibidad natigayon pinaagi sa pagpanguna sa Revitalized Police sa Barangay (RPSB)-Maco Cluster 14, katambayayong ang Barangay Health Workers (BHWs), Sangguniang Kabataan (SK), mga tanod ug mga opisyal sa Barangay Libay-libay.
Sa pagpanghatag og face masks, gipahimangnoan sab ang mga molupyo nga kanunay'ng magsul-ob niini ug motuman sa minimum health protocols batok sa Covid-19.
Tumong sa kalihukan mao ang pagtudlo sa mga molupyo aron mapugngan ang pagkuyanap sa sakit nga Covid-19 pinaagi sa pagsul-ob og face masks ug pagsunod sa mga protocols.
Samtang gawas sa face masks, giapuran sab ang mga molupyo og 75 ka "Wakasan ang Terorista" leftlets ug giawhag sila nga di mag-apil-apil ug di magparekrut sa mga sakop sa Communist Terrorist Groups. (Dexter T. Visitacion)