NAKADAWAT og tag P30,000 matag usa ka pamilya sa mga nasunogan sa New Society Village, Barangay Ilang, Bunawan District, Davao City Huwebes sa buntag, Hunyo 17.
Ang paghatag og ayuda maoy programa sa National Housing Authority (NHA) nga Emergency Housing Assistance Program kun Ehap.
Dako ang pasalamat sa 154 ka mga benepisyaryo nga nalakip sa paghatag sa ayuda.
Gipaluyohan sab kini nga programa pinaagi sa rekomendasyon ni Senador Bong Go, kinsa nanghatag sab og mga grocery items ug mga Personal Protective Equipment (PPE).
Ang programa gituyo nga gipundohan sa NHA alang sa mga biktima sa trahedya ug kalamidad. (Jeepy P. Compio)