STA. CRUZ, Davao del Sur -- Luwas na ang kahimtang sa usa ka hubog human natabang dihang nalumos sa dagat sa Soriano Beach, Barangay Astorga alas 4 sa hapon niadtong Miyerkules, Hunyo 16.
Usa ka Florentino Aman Antolin Jr., 42 anyos, welder, ang natabang sa iyang mga higala dihang naligo kini sa dagat bisan hubog.
Una niini, sadya silang nagtagay, apan apan dihang nahubog na ang biktima mipugos pa gyud kini sa pagkaligo sa dagat bisan og gipugngan na siya sa iyang mga higala.
Anaa na sa luwas nga kahimtang ang biktima. (Jeepy P. Compio)