SUPERBALITA DAVAO

Di pa-swab pamultahon og P5,000

SunStar File

POSIBLENG makamulta ang mga indibiduwal kinsa mobalibad nga mopailawom sa Covid-19 testing bisan og gimando sa kantidad nga P5,000, kini subay sa gisugyot nga ordinansa nga giumol sa siyudad sa Davao.

Si Konsehala Mabel Acosta, tsirman sa committee of peace and public safety ug committee on special publications, nagkanayon atol sa paghinabi kaniya sa radyo nga ang ordinansa di mopagawas og bisan unsang pahimangno, ug ang mga mosupak isyuhan og citation ticket kon ang usa ka indibiduwal di motuman sa mandatory swabbing.

Dugang gikanayon sa konsehala nga ang ordinansa alang niadtong F0 (nakompirma nga positibo), F1 (first-generation contact o kadtong dunay closed contact sa nakompirma nga indibiduwal nga positibo), F2 (second-generation contact o kadtong dunay closed contact sa F1), ug F3 (third-generation contact o kadtong dunay closed contact sa F2).

Ang gisugyot nga ordinansa nag-awhag sa nailang contacts kinsa mobalibad nga mopailawom sa mandatory swab testing ug/o mandatory isolation ug quarantine, nahisubay sa Executive Order (EO) 20, "An Order Providing for Mandatory Swabbing of All F1, F2, And F3 Contacts of an RT-PCR [Reverse transcription polymerase chain reaction] Confirmed Positive Case of Covid-19 In Davao City."

Ang EO nagkanayon nga tanang F1 kinahanglan nga mopailawom sa home isolation samtang maghuwat alang sa ilang resulta, samtang F2 ug F3 mahimong mobalik sa ilang mga trabaho samtang naghuwat sa resulta. Apan gitambagan gihapon sila nga mopailawom og home isolation, kon mahimo.

Gitataw ni Acosta, nangamahan sa ordinansa, nga iyang giduso ang maong balaudnon tungod kay ang tibuok nasud ubos pa sa state of public health emergency, apan daghang mga tawo di magpa-swab.

Gibutyag ni Acosta nga ang Davao City Covid-19 Task Force mipasar og resolusyon ngadto sa 19th City Council aron umolon ang ordinansa nga magsilot sa mga masinupakon sa mandatory swabbing.

Sumala pa nga ang EO dunay limitadong gahum, ug di makaimposar og bisan unsang silot o multa.

"Daghan ang dili magpatuo. Naglisod atong contact tracers. How can we control the spread [of the virus] kung dili mo magpa-swab?" pagtin-aw ni Acosta sa paghinabi kaniya sa 87.5 FM Davao City Disaster Radio.

Itandi sa nasudnong balaod, gipasabot niya nga ang multa mas ubos, kay naa kini ubos sa Republic Act 7160 o "the Local Government Code of 1991" nga mga ordinansa kutbo lang ang maximum penalty sa P5,000.

Apan ang RA 11332 o ang "Mandatory Reporting of Notifiable Diseases and Health Events of Public Health Concern Act" ang multa moabot og P20,000 ug pagkapriso.

"Kasi kung i-apply natin ang national law, P20,000. Kinsa ma'y maka-afford og P20,000? Dako man kaayo. Nag-disiplina tuod 'ta pero economically, dili siya viable sa taga-Davao [City] nga mag-penalize og P20,000," esplikar ni Acosta.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph