SUPERBALITA CAGAYAN DE ORO

Recovery rate sa Cagayan de Oro anaa na sa 77.31%

ANG recovery rate sa Cagayan de Oro miabot og 77.31 porsyento human ang dakbayan nakatala og 44 ka mga bag-ong nakarekober nga mga coronavirus-positive nga mga pasyente.

Ang kinatibuk-ang ihap sa mga nakarekober nga mga pasyente miabot na sa 7,053.

Sa maong 7,053, 315 ang mga locally stranded individuals (LSIs), 124 ang mga returning overseas Filipinos (ROFs), ug 6,614 ang mga lokal nga kaso (community: 5,579; Apors: 1,035).

Ang hinungdan sa ubos mga recovery rate sa dakbayan mao ang pagsaka sa ihap sa mga bag-ong kaso sa Covid-19. And Cagayan de Oro nakatala og 95 ka mga bag-ong kaso sa coronavirus disease (Covid-19).

Sumala ni City Health Officer Dr. Lorraine Nery, sa 95 ka mga bag-ong local nga kaso, 61 ang mga local index nga mga kaso, walo ang mga lokal nga authorized persons outside residence (Apors), 20 ang mga local case with link, ug unom ang mga patay.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 9,121.

Sa 9,121 nga kinatibuk-ang kaso sa Covid-19 sa syudad, 442 ang mga ROFs/LSIs ug 8,679 ang mga local transmissions.

Ang Cagayan de Oro adunay 1,660 ka mga active cases, 407 niini na-admit sa Northern Mindanao Medical Center ug uban pang mga ospital sa syudad, 1,251 ang mga outpatients, ug duha ang mga ROFs/LSIs.

Ang ihap sa mga namatay sa Covid-19 sa syudad anaa na sa 408.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph