NAKASUROY na ba mo sa Leyte Rainbow Farm and Mountain Resort?
Sa kadtong wa pa makataak sa lugar, ang maong suroyanan gitawag og Rainbow Farm kay literal ninyo makita ang bangaw diha ra sa duol nga nakadugang sa atraksiyon sa maong dapit.
Ang Leyte Rainbow Farm and Mountain Resort nahimutang sa Sityo Swerte, Barangay Natubgan, Kananga, Leyte.
Gibana-bana nga nahimutang sa 800 meters gikan sa national highway.
Molanat ngadto sa tunga sa oras ang biyahe kon nanukad sa Ormoc City.
Sa mga adunay pribadong sakyanan adunay igo nga parking space ang area.
Sa kadtong way private vehicle adunay habal-habal nga mohatod sa pletehan nga P15 ngadto sa P20.
Sa inyong pag-abot sa lugar siguradong mo ma-relax nga layo sa hassle and bustle sa siyudad.
RATES
Very affordable ang entrance fee nga mokabat lang sa: P75 (adult) ug P50 (bata).
Sa gustong moabang og cottage nga haom sa mga tapok-tapok adunay nagkantidad og P350, P500 ug P750 base sa capacity sa gidaghanon sa mga tawo.
Sa nagplano og gathering o adunay event adunay maabangan nga function hall sa P7,500, pavilion– P3,500 ug gazeebo nga P1,500.
Kadto dili pa gusto manguli o dili matagbaw sa day-use pwede kaayo nga mag-overnight sa resort kay aduna silay rooms nga abot kaya sa bulsa.
ROOMS
Tag P2,500 ang ilang room (native), naay aircon, limpyo ang CR, naay hot and cold shower and good for three persons.
Apan kon mosubra sa tulo ka tawo mobayad lang og P250 sa matag extra ka tawo. Kay mapa-igo ang kuwarto ngadto sa walo ka tawo.
Libre na ang entrance ug ang pagligo kon mag overnight stay.
Gitugot ang night swimming hangtod na sa alas 10 sa gabii.
UNSAY NAA?
Ang ilang swimming pool adunay pang dagko ug pangbata.
Pwede ra sila ang moluto sa inyo gustong pagkaon (pre order). Naa sab silay samgyupsal for P300 per person.
Naa sab silay mga baligya nga ilimnon ug pagkaon.
Ongoing pa sab ang ilang pagtukod og dugang rooms ug restaurant.
Ang resort gipanag-iya sa pamilya Saavedra ug ila ra sab mga kabanay ang gisaligan nga magbantay niini.
Sa mga interesado mamahimong mo-contact sa 0906-871-8329 alang sa reservation ug dugang impormasyon.
Gihangyo ang tanan bisita nga mosunod sa health protocols kontra Covid-19. /