BISAN kon gitahod sa Kagamhanan sa Lalawigan sa Sugbo ang kamandoan ni Presidente Rodrigo Duterte alang sa mga overseas Filipino workers (OFWs) ug returning overseas Filipinos (ROFs), padayon niining sundon and ordinansa, gawas lang og i-repeal sa Hunta Probinsyal ang Ordinance 2021-04 o i-deklarar nga ultra vires sa usa ka korte kun nanghinabra na sa awtoridad og gahum.
Kini ang baruganan sa Lalawigan nga gisuportahan usab ni Bise-Gobernador Hilario Davide III.
Atol sa pakighinabi sa mga tigbalita kaniya sa Kapitolyo sa Hunyo 17, gipasabot ni Davide nga aron mapupos ang effectivity sa ordinansa, kinahanglan kining i-repeal sa Hunta Probinsyal.
“Di man tingali. I don’t think kay its a law kay as far as the Province is concerned, mao nay balaod dinhi sa Probinsya.
We will stand by it. Magpabilin na....Unless you repeal and i-declare sa korte, kay korte ra may maka declare nga ang balaod ultra vires, the ordinance remains valid and in effect,” matod ni Davide.
Gimandoan sa Presidente ang Kapitolyo sa pagsunod sa lagda sa Inter Agency Task Force (IATF) bisan pa sa kasamtangang lagda sa Probinsya sa pag quarantine sa mangabot nga OFW ug ROF.
Matod ni Davide, padayon nga gipatuman sa kagamhanan ang lagda sa Probinsya sa mangabot nga OFW ug ROF sa Mactan Cebu International Airport (MCIA).
“The Provincial Board, we will standby our ordinance which was approved last week and we standby also with the governor. We support the governor’s position on the issue...The ordinance is still in full force and effect,” matod ni Davide. / ANV