Coach sa Mavericks miluwat sa iyang iyang puwesto; misunod sa ilang GM

Rick Carlisle (AP)
Rick Carlisle (AP)

Miluwat isip headcoach sa Dallas Mavericks si Rick Carlisle, human sa 13 ka tuig nga pagdumala sa team.

Kini maoy iyang gipahibawo usa ka adlaw gikan sa pagkanaog usab sa ilang general manager nga si Donnie Nelson kinsa nakaserbisyo sa Mavericks sulod sa 24 ka tuig.

Una nang gikataho nga adunay kaguliyang nga nahitabo karon sulod sa Mavericks nga maoy gituohan nga hinungdan sa pag-resign sa ilang tagsatagsa ka puwesto sila si Nelson ug Carlisle kinsa maoy nakahatag sa bugtong kampiyonato sa Dallas niadtong 2011.

Matod pa nga adunay power struggle sa organization human nga usa ka kanhi professional gambler ang gikuha sa Dallas alang sa usa ka sensitibong position.

"This was solely my decision," matod ni Carlisle sa iyang giluwatang pamahayag ngadto sa ESPN.

Ning maong kalambuan, ang Dallas maoy ikapitong team nga nagpangita karon og coach nga ipuli sa ilang gipangtaktak.

Gawas sa Dallas bakante usab ang susamang puwesto New Orleans, Washington, Orlando, Indiana, Portland ug Boston.

Si Carlisle nakaduwa sa Boston niadtong 1986 diin sila maoy nakampiyon.

Karon duha na ka position ang nabakantihan sa Dallas. Sa samang higayon, gipaabot nga tanyagan sa Dallas og contract extension ang ilang star player ngasi Luka Doncic, og $201 million.

Ubos ni Carlisle, human ilang championships, ang Dallas sa napulo ka season nakasulod og unom sa playoffs apan wa kini makataak sa second round.

Ang dakong kasagmuyo mao nga ang Mavericks napildi og tulo ka higayon diha sa ilang korte batok sa Los Angeles Clippers kinsa mipalagpot kanila sa unang round sa nagpadayon nga season.

Bisan pa niini, ang tag-iya sa Dallas nga si Mark Cuban mipasalig nga magpabilin gihapon si Carlisle sa team.

"Dallas will always be home, but I am excited about the next chapter of my coaching career," dugang ni Carlisle.

Hinuon, gipasabot ni Carlisle nga wala pa mahuman ang iyang coaching career, buot pasabot nga andam siya modawat og tanyag sa laing team. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph