Bucks mitabla sa series, 3-3, batok Nets; magtiwas sa Game 7

Si Giannis Antetokoumnpo sa Milwaukee Bucks nga mi layup atubangan ni Kevin Durant ug Blake Griffin niining aktoha. (AP)
Si Giannis Antetokoumnpo sa Milwaukee Bucks nga mi layup atubangan ni Kevin Durant ug Blake Griffin niining aktoha. (AP)

Atubangan sa mabagang dumadapig, ang Milwaukee Bucks nabuhian sa ilang paglaom ug inspiradong mibuntog sa Brooklyn Nets, 104-89, sa Game 6 sa Eastern Conference best-of=seven semifinals.

Ang kadaugan maoy naghatod sa series ngadto sa Game 7 nga mobalik sa korte sa Brooklyn karong Sabado (Dominggo sa Pilipinas).

Mibida sa kadaugan sa Bucks mao ang ilang big three na sila si Giannis Antetokoumnpo, Khris Middleton ug Jrue Holiday kinsa nagkumboya og 89 puntos, 35 ka rebounds ug 13 ka assists aron pakgangon ang sayong pagbakasyon sa Milwaukee.

Si Kevin Duran mipakli og 32 puntos ug 11 ka rebounds alang sa Nets apan wa kini makapaigo aron makakuha og lingkuranan alang sa Eastern Conference finals.

Ning maong kombati, ang Bucks wa gyud malabwi gikan sa sinugdanan ug nakapabingat kini sa labaw human makapahagsa og 14-0 nga rally, otso minutos kapin nga nahabilin sa duwa.

Si Middleton kinsa mipakatap og lima ka tres mitapos sa duwa nga may 38 puntos samtang si Antetokoumnpo mitali og 30 puntos ug milangkat kinig 17 ka rebounds.

Sa tungatungang bahin sa third quarter, misuway na unta pagbuylo ang opensa sa Nets aron pagsikit sa Bucks ngadto sa singko puntos na lang, apan ang tres ni Middleton nga gisundan usab sa layup ni Jrue Holiday nga nag-inat sa ilang bintaha.

Sa dihang natataw na ang resulta sa nahabiling kuwatro minutos, ang matag habig mipasulod na sa ilang mga bench warmers samtang nagpaabot nga mitingon na ang final buzzer. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph