SAMA sa gilauman, gilubong sa Gilas Pilipinas ang Indonesia, 76-51, sa third window sa Fiba Asia Cup qualifiers sa Angeles University Foundation Gym Biyernes, Hunyo 18, 2021.
Human sa way klarong opensa sa first half, ang Gilas nagreporma sa third quarter ug mipahagsa og 13-0 nga rally nga maoy nagwanang sa ilang agianan.
Nakasikit pa man tuod og balik ang Indons, 31-35, sa dihang mipabuto og tres si Agassi Yeshe Goantra, 7:49 segundos ang nahabilin sa third quarter.
Apan gitubag kini sa duha ka sunodsunod usab nga three-point bomb ni Justine Baltazar ug dinhi nagsugod pag-arangkada ang Pilipinas.
Dihay usa ka higayon nga ang Gilas nakaposte og 25 puntos sa naghinapos na nga bahin sa fourth quarter.
Sa maong dominasyon, gawas kang Isaac Go, ang tanang Gilas pulos nakapuntos.
Ang Gilas nga wala pa pildi sa lima ka duwa, moduwa og balik sa South Korea karong Dominggo sa alas tres ang takna sa hapon.
Niadtong Biyernes, ang South Korea gipildi sa Pilipinas pinaagi sa outbalanced nga buzzer-beating shot ni SJ Belangel sa three-point area, 81-78.
Samtang ang Indonesia nga adunay baraha nga 1-4 makigsangka usab batok sa Thailand sa mao gihapong adlaw.
Hinuon, ang Indonesia isip host sa Fiba Asia Cup Continental nakasiguro na og luna sa maong torneyo.
Mga puntos:
PHILIPPINES 76 - Baltazar 11, Kouame 11, Ramos 10, Abarrientos 9, Lopez 8, Sotto 7, Tamayo 6, Gomez de Liano 4, Chiu 4, Belangel 3, Heading 3, Go 0.
INDONESIA 51 - Prosper 22, Grahita 8, Dhyaksa 8, Goantara 6, Wisnu 4, Kokodiputra 3, Sitorus 0, Teja 0, Kosasih 0, Saputra 0, Noor 0.
(JBM)