Dear Noy Kulas,
Tawga lang ko sa alyas nga Bert. Drug addict ko kaniadto pero nausab ko sukad nako na meet ug na in love ko sa usa ka single mother. Taguon lang nato sa ngan nga Cleofe.
Sukad ko nakauyab niya, nausab ang akong kinabuhi. Nakakita na ko og purpose sa akong life karon nga nag 37 years old nako. Sober na ko for more than a year all because of her. Ako ang nag papa sa iyang anak while siya nag work. Nagkalingaw ra ko og online selling nga business ug amoa ning duha. Nalipay pud ang akong parents sa nahitabo nako kay nausab na lagi ko nga wa mag agi og rehab.
Karon wa ko magdahom nga ang papa sa bata mikalit lang og tunga kay gusto niya nga makaila niya ang bata ug mahatagan siya og time. Gikan ni siya sa abroad, Noy, ug bag-o lang niabot dinhi. Si Cleofe nasuko og maayo kay nag 8 years old na ang bata, karon pa siya nitunga. Unsa kahay among buhaton? Love na baya nako ning bataa bisan di ako ang amahan.
Daghang salamat and more power.
BERT
Bert,
Abogado ra gyud ang makatabang ninyo ana kon di sila magkasabot sa amahan sa bata. Apan kon way record nga nagmatuod nga siya ang amahan sa bata, tungason ang iyang tinguha nga moatiman og bisan pila ka adlaw, labina kon di mosugot ang imong uyab.
Kon magsige og samok, sugdi og atubang sa barangay diin mas maestoryahan og maayo ang problema kon dunay opisyal sa barangay nga maka facilitate.
Mahimo usab nga magpatabang mo sa Department of Social Welfare and Development (DSWD) aron magiyahan usab mo.
If igo ra nang nibakasyon ang amahan dinhi, di na siya makahasol og dugay.
NOY KULAS
kulassuper@sunstar.com.ph