Pagdaginot sa paggamit sa kuryente karong buwana ug sa sunod kay nisaka ang rate sa generation.
Ang Visayan Electric, sa ilang gipagawas nga pamahayag, niingon nga makapaabot ang ilang mga kustomer sa pagsaka sa bayranan sa Hunyo-Hulyo nga billing period.
Matod ni Visayan Electric president ug chief operating officer Raul C. Lucero nga ang taas nga presyo sa coal ug fuel, ingon man taas nga presyo sa Wholesale Electricity Spot Market (WESM) maoy hinungdan sa pagsaka sa generation og hangtod sa P0.61/kWh alang sa billing period sa Hunyo-Hulyo.
“Although the Visayan Electric franchise is not affected by the power challenges being experienced in Luzon, our power suppliers are greatly affected by the increase of prices of coal and fuel in the world market, which in turn has also caused an increase in generation rates. The price of power in WESM is also high since most of the generators that supply power in WESM are also affected by coal and fuel prices,” nipasabot si Lucero.
Si Lucero nitataw nga ang generations rates maoy nisaka ug di ang distribution rate sa Veco nga nagpabilin sa P1.5992/kWh sukad sa 2014.
Ang bill sa kuryente maapektuhan sa duha ka mga hinungdan-rates ug konsumo.
Nipahimangno si Lucero nga kay nisaka man ang generation rate, kinahanglan nga magmatngon usab ang mga konsumidor sa ilang paggamit sa kuryente aron di sila makugang kon makadawat sila sa bill. / REV gikan sa PR