SUPERBALITA CEBU

Basilan nagpalig-on pa

Aron pagpahugot sa ilang kampanya alang sa umaabot nga Chooks-to-Go VisMin Super Cup Mindanao leg, ang Basilan Peace Riders mikuha sa serbisyo sa Fil-Am ug kanhi PBA player nga si Jonathan Uyloan.

Si Uyloan, kanhi pointguard sa Rain or Shine Elasto Painters, kinsa daan nang nakaduwa sa Basilan Steel sa Maharlika Pilipinas Basketball League (MPBL), ang gipaabot nga mogiya sa kampanya sa Peace Riders nga pagadumalahon ni coach Jerson Allen Cabiltes.

Ang 6-0 nga Uyloan nahimong sakop sa Elasto Painters sugod niadtong 2009 hangtod sa 2015 sa wala pa kini mobalhin sa GlobalPort ug Meralco sa 2015-2016.

Ikauban ni Uyloan sa Rain or Shine ang laing ex-Pro ug bigman nga si Anthony Bringas, ang ika-44 nga pick sa Meralco Bolts sa 2013 PBA Draft.

Gawas sa nahisgutan, ang molangkob sa team mao sila si Jessie James Collado, Jay-R Shaq Taganas, Abdullah Ramzi Latip, Arwin Lunor, Michael Mabulac, Bobby Balucanag Harold Ng, Philip Manalang, Michael Juico.

Kini mao sila si Hesed Gabo, Arrouf Julkipli, Mark Anthony Trinidad, Kim Sallidin, Junjie Hallare, Chris Bitoon ug Stephen Siruma.

Ang team gipanag-iya nila ni Cong. Mujiv Hataman ug Mayor Jul-adnan Hataman nga giabagan usab ni Jimmy Dela Cruz sa Jumbo Plastic.

Sa niaging tuig, ang Basilan Steel niabot sa Division finals sa MPBL apan na forfeit kini sa ilang championship games batok sa Davao Occidental sa dihang nagpositibo sa coronavirus ang pipila sa ilang mga players.

Ikasangka sa Basilan sa Mindanao leg nga sugdan karong Hunyo 22, 2021 didto sa Pagadian City mao ang Clarin, MisOr, Roxas, Iligan, Zamboanga del Sur, Zamboanga City ug host Pagadian Explorers. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!