NAKATALA og 66 ka mga bag-ong kaso sa coronavirus disease (Covid-19) ang Cagayan de Oro, pulos mga local transmissions.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 9,280.
Matud sa City Health Office, sa 66 ka mga bag-ong lokal nga kaso, upat ang mga lokal authorized persons outside residence (Apors), 36 ang mga local index nga mga kaso, 24 ang mga local case with link, ug duha ang mga lokal Apors with link.
Ang Cagayan de Oro adunay 1,562 ka mga active cases, 388 niini na-admit sa Northern Mindanao Medical Center ug uban pang mga ospital sa syudad, 1,173 ang mga outpatients, ug usa ang ROF/LSI.
Nakatala usab og 120 ka mga Covid-positive nga mga kaso nga karon naka-recover. Anaa na karon sa 7,302 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa na sa 416.