ANG Department of Social Welfare and Development (DSWD) niila sa Best Parent Leaders (PL) ubos sa Pantawid Pamilyang Pilipino Program (4Ps) atol sa culminating activity sa second anniversary sa 4Ps dili pa lang dugay.
Ang search gitumong sa pagpili ug pag-ila sa outstanding 4Ps PL ug ang ilang exemplary performance ug nakab-ot sa pagsuporta sa programa pinaagi sa pagpatuman sa boluntarismo isip kabahin sa kinabuhi.
Ang outstanding Parent Leaders nakasilbi sa programa sukad sa 2019 ug padayon sa iyang pagtabang sa programa sa paglambo sa maayong pamatasan ug pagpangulo.
Sa 67 4Ps Best Parent Leaders sa tibuok nasod, lima ang gikan sa Visayas region nga sila si Crespina C. Lapad Batuan, Bohol,; Jesselito Q. Tumimbang Sr. sa Basay, Negros Oriental; Miralyn A. Basallo sa Daanbantayan, Cebu; Louzel G. Grengia sa Moalboal, Cebu; ug Remily M. Daniel sa Siquijor, Siquijor.
Ang Bagayanon Bigasan and General Merchandise sa Daanbantayan, Cebu maoy tampo sa DSWD Office VII sa 4Ps Most Innovative Project.
Si DSWD-7 Regional Director Rebecca Geamala nitunol sa iyang congratulatory message sa awardees ug nidayeg sa ilang natampo sa ahensiya.
Ang awardees niapil sa virtual awarding ceremony nga livestreamed pinaagi sa official Facebook fan page sa Pantawid Pamilyang Pilipino Program.
Ang week-long anniversary celebration nagsugogd niadtong Hunyo 7, 2021 uban sa tema: “Sama Sama tungo Sa Matatag at Sa Matagumpay ng Pamilyang Pilipino.” (PR)