SUPERBALITA CEBU

1 patay, 6 angol sa bangga sa Pinamungajan

Usa ang patay ug unom ang nangaangol ang human pick-up nibangga sa motorsiklo ug nidaro sa usa ka balay alas 6:20 sa gabii sa Dominggo, Hunyo 20, 2021 sa Sitio Banban, Brgy. Pandacan, Lungsod sa Pinamungajan, Cebu.

Si Glecedo Piala Cuizon, 47, salesman, taga Purok Avocado, Brgy. Pandacan, patay nang niabot sa tambalanan sa lungsod.

Gidakop sa kapulisan sa tambalanan si Joseph Formentera Lucerna, 51, minyo, taga Tungkop, Minglanilla, nagmaniho sa puti nga Toyota Hi-Lux pick-up ( DAA 3757) nga gipanag-iya sa Mighty Corp. sa kaulohan.

Sakay sa pick-up ang pamilya ni Joseph nga naglakip kanila ni Theresa Moreno Lucerna, 52; Mary Mae Moreno Lucernas, 24, bookkeeper; Nenalyn Villanueva Moreno, 30; Christian Niñal Moreno, 30, call center agent ug tag-iya sa panimalay nga si Warren Dewla Rosa Delarmente, 48, minyo, taga Sitio Banban.

Si Police Corporal Jose Sayson, imbestigador sa Pinamungahan Police Station nga nahinabi sa Superbalita Cebu nagkanayon nga ang mga saksi nakakita kang Joseph nga kusog kaayo nakapadagan, nag-ikis-ikis nga mi-overtake sa mga sakyanan.

Si Cuizon sakay sa Honda Wave nga motorsiklo gikan sa Dakbayan sa Toledo padulong mopauli sa ilang balay.

Si Cuizon nakakita nang daan sa nagpadulong nga pickup nga kusog ang dagan hinungdan nga nagpapidpid siya sa daplin sa karsada.

Apan gidaro gihapon siya ug naguroy human nalukot ang iyang motorsiklo dihang si Joseph nisulod sa lane sa kasugat nga mga sakyanan.

Nawad-an si Joseph og kontrol sa manobela, nibangga kini sa duha ka punoan sa lubi nga nangatumba.

Nilahos pa kini sa usa ka balay ug lakip sa naigo si Delarmente nga naglingkod sa gawas un pa nabulintang ang pick up.

Sumala pa ni Sayson nga gumikan sa grabing kadaot ni Cuizon, patay na siyang niabot sa Pinamungajan District Hospital.

Sila si Joseph ug pamilya nangalandig sa tambalanan sa Balamban.

“Hubog ang driver sa pick-up kay nag-inom gikan namista sa Sitio Baybay, Brgy.Pandacan. Kusog kaayo nakapadagan, nagpataka lang sa pag-overtake,” dugang ni Sayson.

Gibutyag ni Sayson nga igo-igo sab ang angol ni Joseph samtang nakagawas na sa tambalanan si Delarmente.

Kasong reckless imprudence resulting to homicide, serious physical injury and damage to property ang giandam kapulisan batok sa driver sa pick up.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph