SECTIONS
Superbalita Cebu
Tuesday, September 21, 2021
SUPERBALITA CEBU

Mipalit og sigarilyo sa tindahan sa Brgy. Mambaling gipusil, patay

NAHAGBA SA DAN: Si Arnel Somadia, hingkod, taga Sitio Wangyu, Alaska Mambaling, Dakbayan sa Sugbo nahagba sa dan human gipusil-patay sa wala pa matino nga mamumuno sa Lunes, Hunyo 21, 2021. / Guam P. Logroño

Wala na makapanigarilyo ang usa ka lalaki dihang gipusil-patay sa Sitio Bliss, Barangay Alaska Mambaling, Dakbayan sa Sugbo. alas 9:30 sa buntag sa Lunes, Hunyo 21.

Si Arnel Somadia, hingkod, ug taga Sitio Wangyu, Alaska Mambaling, patay human nakaangkon og samad pinusilan sa iyang wala nga apapangig.

Si Police Master Sgt. Jeffrey Larobis, imbestigador sa Mambaling Police Station nga nahinabi sa mga tigbalita, nagkanayon nga basi sa pamahayag sa nakasaksi nga dunay tabon sa nawong ang mamumuno.

Naglakaw lang kini human sa pagpamusil, dason ni Larobis,ug gituohan nila nga revolver ang gigamit nga armas kay walay kabhang nga narekuber sa area.

Si Somadia nagpalit lang og sigarilyo sa usa ka tindahan sa maong dapit.

Wala siya nakabantay nga ang killer kalit nga mibutho sa iyang likod namusil.

Wala pa masuta sa kapulisan kun unsay motibo sa krimen.

Ang tindero nga di magpahingalan mibutyag nga dihang nisampit niya si Somadia, nigkuha dayon siya sa sigarilyo nga gipalit niini apan nilanog ang masipang buto sa armas

Nisinggit iyang mga silingan nga patay na ug pagsusi niya sa gawas, ang iyang kustomer nakadugo ug wala nay kinabuhi. / GPL


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph